మణి.. ఆ రెండు పాటలంటే నాకిష్టం

మెలోడీ బ్రహ్మ మణి శర్మా సంగీతం గురించి మన తెలుగు మ్యూజిక్ లవర్స్ కు కొత్తగా పరిచయం చేయనవసరం లేదు. తెలుగు సినిమాలో కొన్ని సినిమాలు మణి శర్మ సంగీతం వలనే హిట్ అయ్యాయని తెలిసిందే. మెలోడీ ఇవ్వాలి అన్నా బ్యాక్ గ్రౌండ్ స్కోర్ కంపోజ్ చేయాలన్నా మణి శర్మ మాత్రమే చేయగలడే అనేలా ఎదిగాడు. నిన్న ఆయన పుట్టినరోజు నాడు మరో సీనియర్ మ్యూజిక్ డైరెక్టర్ ఏం ఏం కీరవాణి తను మెచ్చిన బాగా నచ్చిన రెండు మణి శర్మా పాటలు ఏంటో సంగీత అభిమానులతో పంచుకున్నాడు. మణి శర్మా నాకు బాగా నచ్చే తెలుగు మ్యూజిక్ కంపోజర్లలో ఒకడు అని చెప్పుకువచ్చాడు కీరవాణి.

కీరవాణి బాహుబలి సినిమా నుండి కొన్ని వివాదాలలో చిక్కుకొని ఇబ్బంది పడిన విషయం తెలిసిందే. అనవసరమైన ట్వీట్లు వేసి.. రచ్చలేపారు. ఇప్పుడు అతను స్థిమితంగా ఆలోచిస్తునట్లు ఉన్నారు అందుకే వాడే ప్రతి మాట జాగ్రతగా మాట్లాడుతున్నారు. తన మిత్రుడు మ్యూజిక్ డైరెక్టర్ మణి శర్మకు సోషల్ మీడియా ద్వారా శుభాకాంక్షలు చెబుతూ.. ''నాకు మణిశర్మ కంపోజ్ చేసిన పాటలలో ఒకటి ‘డిస్టర్బ్ చేయకు’ రెండు ‘సదా శివ’ పాట అత్యంత ఇష్టం” అని చెప్పాడు. ఇలా ఒక సీనియర్ మ్యూజిక్ డైరెక్టర్ స్థాయిలో ఉంటూ మరో స్టార్ మ్యూజిక్ డైరెక్టర్ కంపోజ్ చేసిన పాటలు చెప్పడం అవి కూడా అందరికి నచ్చే పాటలు అయి ఉండటం అతని ఫాలోవర్స్ ను బాగా ఎక్సయిట్ చేశాయి.

మణి శర్మ జోరు కొంచం తగ్గింది అనుకొన్న టైమ్ లో ఇప్పుడు మళ్ళీ తన సత్తా ఏంటో కొన్ని కొత్త సినిమాలు ద్వారా చెప్పబోతున్నాడు. ఎటువంటి సినిమానైనా తన భాణిలుతో బ్యాక్ గ్రౌండ్ మ్యూజిక్ తో ప్రేక్షకులును మాయ చేయగలిగే మణి శర్మా మళ్ళీ బిజీ అయ్యాడు. ఈ మధ్యనే ‘అమీ తుమీ’ సినిమాతో హిట్ కొట్టాడు. మణి శర్మ సంగీతం అందించిన ‘నేనే రాజు నేనే మంత్రి’ ‘లై’ సినిమాలు విడుదలకు సిద్దంగా ఉన్నాయి. ​