పక్క పడవలపై ప్రయాణానికి సై అంటున్నారు

హీరోయిన్లు ఇతర భాషల సినీ పరిశ్రమల్లో సత్తా చాటే కల్చర్ ఎప్పటి నుంచో ఉంది. నిజానికి హీరోల కంటే హీరోయిన్లే ఈ విషయంలో మహా యాక్టివ్. రెండు-మూడు జనరేషన్ల నుంచి హీరోయిన్స్ పక్క రాష్ట్రాల్లో కూడా సత్తా చాటుతున్నారు. గతంలో ఆఫర్ వస్తే యాక్ట్ చేయడం జరిగేది కానీ.. ఇప్పుడు కాలం మారింది. వీళ్లే వెతుక్కుంటూ వెళ్లిపోతున్నారు.

అనుష్క.. కాజల్.. సమంత.. శృతి హాసన్.. తమన్నా.. నిత్యా మీనన్.. ఇలా ఇప్పటికే పేరు తెచ్చుకున్న వాళ్లతో పాటు.. రకుల్ ప్రీత్-రాశి ఖన్నా లాంటి టాలీవుడ్ భామలు.. కీర్తి సురేష్- అనుపమా పరమేశ్వరన్ లాంటి మలయాళ కుట్టీలు అందరూ పరాయి భాషలో కూడా ట్యాలెంట్ చూపించేసి ఆఫర్లు దక్కించేసుకుంటున్నారు. ఇలా చేయడం కారణంగా ఒక భాషలో నటిగా సంతృప్తి మిగులుతుంటే.. మరో భాషలో ఆఫర్ల ద్వారా వెనకేసుకునే అవకాశం వస్తోంది. పైగా రకరకాల కేరక్టర్లు చేసే అవకాశం దక్కుతుండడంతో.. నటనలోనూ ఆరితేరిపోతున్నారు.

కానీ.. ప్లానింగ్ లేకుండా పక్క చూపులు చూస్తే మాత్రం ఉన్నది కూడా పోగొట్టుకోవాల్సి వస్తుందనే సంగతి కూడా ఇప్పటికే ప్రూవ్ అయింది. బాలీవుడ్ డ్రీమ్స్ తో పరుగులు పెట్టేసి సౌత్ లో ఉన్న గుర్తింపు కోల్పోయిన వారు కూడా ఉన్నారు. వీరందరినీ చూసి.. ఇప్పటి జనరేషన్ హీరోయిన్లు బాగా అలర్ట్ గానే ఉంటున్నారు. టాలీవుడ్-కోలీవుడ్-మల్లూవుడ్-శాండల్ వుడ్ లతో పాటు.. బాలీవుడ్ లో ప్రయాణాన్ని కూడా సాఫీగా చేసేలా ప్లాన్ చేసుకుంటున్నారు భామలు.


Like Us on Facebook : https://www.facebook.com/Tupakidotcom/