పార్టీ నైట్ ఫ్రెండ్స్ తో మ‌హాన‌టి ర‌చ్చ చూశారా?

అందాల క‌థానాయిక‌ కీర్తి సురేష్ చివరిసారిగా తెలుగులో `సర్కారు వారి పాట`లో కనిపించింది. చాలా గ్యాప్ త‌ర్వాత ఒక విజ‌యం త‌న‌కు ఊర‌ట క‌లిగించింది. మ‌హాన‌టి త‌ర్వాత ఆశించిన కెరీర్ త‌న‌కు ద‌క్క‌లేద‌న్న అసంతృప్తి నుంచి బ‌య‌ట‌ప‌డేందుకు ఇప్పుడిప్పుడే ప్ర‌య‌త్నిస్తోంది. తాజాగా మహానటి కీర్తి తన ఇన్ స్టాగ్రామ్ లో నైట్ పార్టీకి సంబంధించిన అరుదైన ఫోటోలను పోస్ట్ చేసింది.

రీసెంట్ గా ఇండస్ట్రీకి చెందిన తన ఫ్రెండ్స్ తో కీర్తి ఇలా చిల్లింగ్ పార్టీకి ఎటెండ‌య్యింద‌ని తెలిసింది. ఈ పార్టీలో త‌న స్నేహితురాళ్ల గుంపు చేసిన సంద‌డి అంతా ఇంతా కాదు. కళ్యాణి ప్రియదర్శన్ - పార్వతి తిరువోతు- రాధిక శరత్ కుమార్- అన్నా బెన్- రిమా కళింగల్- అదితి బాలన్ - ప్రయాగ మార్టిన్‌ సహా పలువురు నటీమణులు ఉన్నారు. సీనియర్ నటి లిల్లీ లక్ష్మి ఈ పార్టీని నిర్వహించారు. ప్ర‌స్తుతం ఈ ఫోటోలు సోషల్ మీడియాల్లో వైరల్ గా మారాయి.

కీర్తి సురేష్ - కళ్యాణి ప్రియదర్శన్ సౌత్ ఇండియన్ ప‌రిశ్ర‌మ‌ల్లో అత్యంత డిమాండ్ ఉన్న ఇద్దరు ప్రతిభావంతులు. ఈ ఇద్ద‌రూ నిజ జీవితంలో గొప్ప స్నేహితులు. ఆ ఇద్ద‌రూ తరచుగా ఒకరితో ఒకరు స‌మ‌యం గ‌డ‌ప‌డం ఆపై ఆ ఫోటోల‌ను వారి సోషల్ మీడియా హ్యాండిల్స్ లో వారి అభిమానులకు అనుచరులకు చేర‌వేయ‌డం తెలిసిందే.

ఆసక్తికరమైన విషయం ఏమిటంటే కీర్తి సురేష్ - కళ్యాణి ప్రియదర్శన్ ఇటీవల పరిశ్రమకు చెందిన వారి సన్నిహిత మిత్రులతో కలిసి ఫుల్ నైట్ పార్టీలో స్పెండ్ చేయాల‌నుకున్నారు. లిస్సీ లక్ష్మి- రాధిక శరత్‌కుమార్ లాంటి సీనియర్ నటీమణులు కూడా గెట్ టు గెదర్ లో భాగమవ్వ‌డం ఓకింత ఆస‌క్తిని క‌లిగించింది.

కీర్తి తన అధికారిక ఇన్‌స్టాగ్రామ్ హ్యాండిల్ లో గెట్-టుగెదర్ లో క్లిక్ చేసిన కొన్ని ఫోటోలను షేర్ చేసి ``అందమైన వ్యక్తులతో అందమైన రాత్రి`` అని క్యాప్ష‌న్ లో రాశారు. ఆమె కళ్యాణి ప్రియదర్శన్ తల్లి లిస్సీ లక్ష్మి,.. సోదరుడు సిద్ధార్థ్ ప్రియదర్శన్ ల‌తో క‌లిసి ఉన్న ఫోటోల‌ను కూడా షేర్ చేసింది. ఈ ఫోటోల్లో కీర్తి సురేష్ ఆకుపచ్చ కో-ఆర్డ్ సెట్- మ్యాచింగ్ స్టిలెట్టోస్ లో అందంగా క‌నిపించింది. కళ్యాణి ఫ్లోర‌ల్ మ్యాక్సీ దుస్తులతో మెరిసింది. ఇత‌ర‌ తారలు సాధారణ దుస్తులలో అందంగా కనిపించారు.

జాతీయ అవార్డు నటిగా కీర్తి కొన్ని మంచి ప్రాజెక్ట్ లతో తన నటనా జీవితంలో గొప్ప దశను అధిగ‌మిస్తోంది. తమిళ క్రైమ్ డ్రామా సాని కాయిదం .. మలయాళ కోర్ట్‌రూమ్ డ్రామా వాషిలో అద్భుత నటనకు ప్ర‌శాంసాపూర్వ‌క‌ సమీక్షలను అందుకుంది. మారి సెల్వరాజ్ తెర‌కెక్కించిన మల్టీస్టారర్ పొలిటికల్ డ్రామా `మామన్నన్‌`లో కీర్తి సురేష్ కనిపించనుంది. నాని నటిస్తున్న `దసరా` చిత్రంలో కూడా ఆమె ప్రధాన పాత్ర పోషిస్తోంది.

త‌న‌దైన న‌ట‌న‌ కామిక్ టైమింగ్ తో ద‌క్షిణాదిన‌ భారీగా అభిమానులను సంపాదించుకున్న ప్రతిభావంతులైన నటి క‌ళ్యాణి ప్రియ‌ద‌ర్శ‌న్. చివరిసారిగా మలయాళ సూపర్ హిట్ `తల్లుమాల`లో టోవినో థామస్ తో కలిసి కనిపించింది. కల్యాణి ప్రియదర్శన్ కొన్ని ఆసక్తికరమైన ప్రాజెక్ట్ ల‌తో బిజీగా ఉంది. ఇందులో మలయాళ కామెడీ ఎంటర్ టైనర్ శేషమ్ మైకేల్ ఫాతిమా... దుల్కర్ సల్మాన్ తో రీయునైట్ అవుతున్న‌ తమిళ రొమాంటిక్ డ్రామాలోను న‌టించ‌నుంది. ర‌జ‌నీకాంత్ క‌థానాయ‌కుడిగా లైకా ప్రొడక్షన్స్ నిర్మించే భారీ సినిమాలో కూడా కళ్యాణి కీలక పాత్రలో నటించేందుకు చర్చలు జరుపుతున్నట్లు సమాచారం.