రవి వర్మ పెయింటింగ్స్ కు ప్రాణం పోసినట్లుంది

మలయాళ సూపర్‌ స్టార్‌ మోహన్ లాల్‌ నటించిన మరక్కర్ సినిమా మరో రెండు రోజుల్లో విడుదల కాబోతుంది. భారీ అంచనాల నడుమ రూపొందిన ఈ సినిమా ఓటీటీ మరియు థియేట్రికల్‌ కు సిద్దం చేశారు. మొదట ఈ సినిమాను థియేటర్‌ రిలీజ్ కు ప్లాన్‌ చేశారు. కాని కరోనా పరిస్థితుల కారణంగా ఓటీటీ లో విడుదల చేయాలని భౄవించారు. ఓటీటీ లో ఈ సినిమాను విడుదల చేడయం ఒప్పుకోం అంటూ మోహన్ లాల్ అభిమానులు కేరళ వ్యాప్తంగా ఆందోళనకు దిగారు. దాంతో రాష్ట్ర మంత్రి స్పందించి థియేటర్ రిలీజ్ కు కూడా మార్గం సుగమం చేయడం జరిగింది. ఈ సినిమాలో కీర్తి సురేష్‌ కీలక పాత్రలో కనిపించబోతున్న విషయం తెల్సిందే. ఈమె లుక్ చాలా విభిన్నంగా ఉంది.

ఇప్పటికే కీర్తి సురేష్‌ పోషించిన పాత్రకు సంబంధించిన ఫొటోలు మరియు వీడియోలు విడుదల అయ్యాయి. తాజాగా మరింత స్పష్టంగా కీర్తి సురేష్ తన పాత్రకు సంబంధించిన పోస్టర్స్ ను విడుదల చేసింది. ఆశ్చర్యకర విషయం ఏంటీ అంటే కీర్తి సురేష్ ఈ సినిమాలో రవి వర్మ పెయింటింగ్ కు ప్రాణం వచ్చినట్లుగా కనిపిస్తుంది అంటూ కామెంట్స్ వస్తున్నాయి.

రవి వర్మ పెయింటింగ్స్ మరియు తన ఫొటోలను పక్క పక్క పెట్టి ఆ ఫొటోలను షేర్‌ చేసింది. సోషల్‌ మీడియాలో కీర్తి సురేష్ షేర్‌ చేసిన ఈ ఫొటోలు వైరల్‌ అవుతున్నాయి. అచ్చు రవి వర్మ అందమైన పెయింటింగ్ మాదిరిగా కీర్తి సురేష్ ఉందని.. ఇంత అందంగా సినిమాలో చూడబోతున్నందుకు అభిమానులు ఆతృతతో ఉన్నామని అంటున్నారు.

మహానటి తర్వాత కీర్తి సురేష్ కు తెలుగు తో పాటు సౌత్‌ మరియు నార్త్‌ లో కూడా మంచి గుర్తింపు దక్కింది. ఆ సినిమా తర్వాత ఆ స్థాయిలో పాత్ర ఆమెకు దక్కలేదు. లేడీ ఓరియంటెడ్‌ సినిమాల్లో ఆఫర్లు వస్తున్నాయి కాని అవి పెద్దగా ఆకట్టుకునే విధంగా లేదు. కమర్షియల్‌ గా కూడా ఇప్పటి వరకు ఆమె బిగ్గెస్ట్‌ సక్సెస్ ను మహానటి తర్వాత దక్కించుకోలేదు. అందుకే ఆమె ఈ సినిమా పై చాలా నమ్మకం పెట్టుకుంది. మలయాళం సినిమానే అయినా పాన్ ఇండియా రేంజ్ లో విడుదల కాబోతుంది. కనుక కీర్తి సురేష్ ఈ సినిమాతో మళ్లీ తన సత్తా చాటుతుందని అంటున్నారు. మరో వైపు ఈమె మహేష్ బాబుతో కలిసి సర్కారు వారి పాట సినిమాలో నటిస్తున్న విషయం తెల్సిందే.