ప‌బ్ లో కీర్తి క‌టింగ్ లు కొడుతోందే!

చెన్నై బ్యూటీ కీర్తి సురేష్ బ్యాక్ టు బ్యాక్ ఆఫ‌ర్ల‌తో దూసుకుపోతున్న సంగ‌తి తెలిసిందే. సీనియ‌ర్ హీరోల‌కు సోద‌రి పాత్ర‌లు అయినా చేసేందుకు సిద్ధంగా ఉన్న కీర్తి సురేష్ యంగ్ హీరోల‌తో మాత్రం జోరుగా రొమాన్స్ చేస్తోంది. ఇటీవ‌ల కీర్తి ప‌ర్ఫెక్ట్ ప్లానింగ్ తో ముందుకు సాగుతోంది. త‌న‌ కెరీర్ ఒక్క‌సారిగా ఊపందుకుంది. `మ‌హాన‌టి` స‌క్సెస్ త‌ర్వాత పాత్ర‌ల విష‌యంలో ఆచితూచి వ్య‌వ‌హ‌రించ‌డం కెరీర్ పై కాస్త నెగిటివిటీ చూపించినా.. ఇప్పుడిప్పుడే ఆ నెగివిటీకి దూరంగా జ‌రుగుతూ మిన‌హాయింపులు ఇస్తున్న‌ట్లు క‌నిపిస్తోంది. గ‌త రెండేళ్ల గ్రాఫ్ ని ఈ ఏడాది కీర్తి చేసిన సినిమాల జాబితా పోల్చితే గ్రాప్ మెరుగుప‌డిన‌ట్లే క‌నిపిస్తోంది. ఈ ఏడాది ఏకంగా ఆరేడు సినిమాల‌తో ప్రేక్ష‌కుల ముందుకొచ్చింది. తెలుగు..త‌మిళ్ క‌లిపి ఇన్ని సినిమాలు చేసింది. వీటిలో కొన్ని సినిమాలు రిలీజ్ కాగా మ‌రికొన్ని రిలీజ్ కి రెడీగా ఉన్నాయి. `గుడ్ ల‌క్ స‌ఖి`..`మ‌ర‌క్క‌ర్` చిత్రాలు రిలీజ్ కానున్నాయి.

ఈ రెండు సినిమాల‌పై భారీ అంచ‌నాలున్నాయి `మ‌ర‌క్క‌ర్` పీరియాడిక్ చిత్రం కావ‌డం..`గుడ్ ల‌క్ స‌ఖి` లేడీ ఓరియేంటెడ్ చిత్రం కావ‌డంతో ఏ మాత్ర పాజిటివ్ టాక్ వ‌చ్చినా మ‌హాన‌టి రేంజు మారుతుంది. బాక్సాఫీస్ షేక్ చేయ‌డం ఖాయం. ఇక లైనప్ లో ఉన్న చిత్రాల విష‌యానికి వ‌స్తే మ‌హేష్ స‌ర‌స‌న `స‌ర్కారు వారి పాట‌`లో... అలాగే నాని క‌థానాయ‌కుడిగా తెర‌కెక్క‌నున్న `ద‌సరా`లోనూ ఈభామ‌నే హీరోయిన్ గా ఎంపికైంది. మెహ‌ర్ `భోలాశంక‌ర్` లో మెగాస్టార్ చిరంజీవి సిస్ట‌ర్ గా న‌టిస్తోంది. ఈ చిత్రాల‌న్ని వచ్చే ఏడాది రిలీజ్ కానున్నాయి. భారీ అంచ‌నాల మ‌ధ్య వ‌స్తోన్న చిత్రాలు కావ‌డంతో స‌క్సెస్ అయితే కీర్తి కెరీర్ కి తిరిగుండ‌దు.

ఇక సోష‌ల్ మీడియాలో ఈ భామ ఇటీవ‌లి కాలంలో బాగా యాక్టివ్ గా ఉంటోంది. బోల్డ్ ఫోటో షూట్ల‌కు దూరంగా ఉంటూనే త‌న‌లో ట్యాలెంట్ ని చూపించే ప్ర‌య‌త్నం చేస్తోంది. తాజాగా ప‌బ్ లో ఎంజాచ్ చేస్తోన్న ఓ వీడియోని ఇన్ స్టాలో షేర్ చేసింది. చూస్తుంటే కౌబోయ్ త‌ర‌హాలో టామ్ బాయ్ లా క‌నిపిస్తోంది కీర్తి. త‌న‌ని కౌగాళ్ అని పిలిచేస్తే త‌ప్పేమీ లేదు. కౌబోయ్ త‌ర‌హాలో క్యాప్ ని ధ‌రించింది. ఒక్కోసారి దానిని చేతితో ప‌ట్టుకుని స్టైల్ గా గిర గిరా తిప్పుతూ త‌ల‌కు పెట్టుకుంటూ ఫోజులిచ్చింది. చివ‌రిగా కిల‌కిలా న‌వ్వుతూ చూసారా నాలోనీ ఈ ట్యాలెంట్ అంటూ సైగ‌లు చేసింది. క‌న్ను గీటుతూ కొంటెగానూ ఫోజులిచ్చింది కీర్తి. ప్ర‌స్తుతం ఈ వీడియో.. ఫోటోల బంచ్ ఇన్ స్టాలో వైల‌ర్ అవుతున్నాయి.