బన్నీ కోసం కీర్తి వెయిటింగ్

మల్లూవుడ్ నుంచి టాలీవుడ్ కి హీరోయిన్ల దిగుమతి బాగా స్పీడ్ గా ఉంది. ఈ జోరులోనే అడుగు పెట్టినా.. కీర్తి సురేష్ మాత్రం తనకంటూ ప్రత్యేకత చూపిస్తోంది. ట్యాలెంట్ నే నమ్మకుంటూ అడుగులు వేస్తున్న కీర్తి సురేష్ ఇప్పుడు మెగా క్యాంప్ లోనూ అడుగు పెడుతోంది.

ప్రస్తుతం దువ్వాడ జగన్నాధం చేస్తున్న స్టైలిష్ స్టార్ అల్లు అర్జున్.. ఆ తర్వాత లింగుస్వామితో ఓ మల్టీ స్టారర్ చేయనున్నాడు. ఈ మూవీ కోసం కీర్తి సురేష్ ని అడిగారని ఇప్పటివరకూ వార్తలున్నాయ్ కానీ.. ఇప్పుడు బ్యూటీ బన్నీతో సినిమాని కన్ఫాం చేసేసింది. 'బన్నీతో ఇంకా షూటింగ్ లో పాల్గొనలేదు. అల్లు అర్జున్ తో మూవీ అనగానే మరో ఆలోచనేదీ లేకుండానే ఒప్పేసుకున్నా. షూటింగ్ లో ఎప్పుడు జాయిన్ అవుతా అని ఆతృతగా ఎదురుచూస్తున్నా' అంటోంది కీర్తి సురేష్.

కీర్తికి మెగా క్యాంప్ కొత్తే కానీ.. ఈమె తల్లికి మాత్రం ముందే అనుభవం ఉంది లెండి. కీర్తి సురేష్ తల్లి మేనక.. గతంలో మెగాస్టార్ చిరంజీవితో కలిసి పున్నమి నాగులో నటించింది. అప్పుడు మెగాస్టార్ తో తల్లి మేనక యాక్ట్ చేయగా.. ఇప్పుడు బన్నీతో కూతురు కీర్తి నటిస్తుండడం విశేషం.

Like Us on Facebook : https://www.facebook.com/Tupakidotcom/