కీర్తి లుక్ టెస్ట్ .. ఇంత‌కీ ఏ సినిమాకో గెస్ చేస్తారా?

అలా భుజాల మీదుగా సాంతం క‌వ‌ర్ చేస్తూ పాత కాలం ర‌వికె.. దానికి కాంబినేష‌న్ గా కాట‌న్ చీర .. ఎర్ర లంగా .. చేతికి ప‌చ్చ గాజులు .. చూస్తుంటే క్లాసిక్ డేస్ మెమ‌రీస్ ని గుర్తు చేస్తోంది.. పైగా ప‌ల్లెటూరి అమ్మాయిలా ఆహార్యం.. ఇంత‌కీ కీర్తి సురేష్‌.. స‌డెన్ గా అలా ఎందుకు చేస్తోంది అంటారా?

ఇదే ప్ర‌శ్న అడిగారు ద‌ర్శ‌క‌నిర్మాత నాగ్ అశ్విన్. ఈ ఫోటోని షేర్ చేసిన ఆయ‌న .. లుక్ టెస్ట్ కి మొద‌టి రోజు .. ఈ ఫోటో వెన‌క జ్ఞాప‌కాలున్నాయి..! అన్న వ్యాఖ్య‌ను జోడించారు. ఇంత‌కీ ఇది ఏ సినిమా ఫోటోషూట్ అన్న‌ది గెస్ చేయ‌మంటే తెలుగు వారు వెంట‌నే చెప్పేస్తారు.

ఈ లుక్ టెస్ట్ మ‌హాన‌టి కోసం. కీర్తి సురేష్ అస‌మాన న‌ట‌ప్ర‌తిభ‌కు కొల‌మానం ఈ చిత్రం. నాగ్ అశ్విన్ ద‌ర్శ‌క‌త్వం వ‌హించిన మేటి చిత్రంగా రికార్డుల‌కెక్కింది. తెలుగు-త‌మిళంలో పెద్ద హిట్ట‌య్యింది. ఇత‌ర భాష‌ల్లోనూ రిలీజై ఆద‌ర‌ణ ద‌క్కించుకుంది. అభిమానులు సావిత్రి పాత్ర‌లో కీర్తిని త‌ప్ప వేరొక‌రిని ఊహించుకోలేరు అన్నంత చ‌క్క‌ని పెర్ఫామెన్స్ తో మ‌రిపించింది. ఆ త‌ర్వాత చాలా గ్యాప్ వ‌చ్చినా ఇప్పుడిప్పుడే కీర్తి కెరీర్ గాడిన ప‌డుతోంది. ప్ర‌స్తుతం మ‌హేష్ స‌ర‌స‌న స‌రి లేరు నీకెవ్వ‌రు చిత్రంలో న‌టిస్తోంది. ర‌జ‌నీ కాంత్ చిత్రంలోనూ కీల‌క పాత్ర‌లో కీర్తి న‌టించ‌నుంది. ప‌లు క్రేజీ చిత్రాలు కీర్తి ఖాతాలో ఉన్నాయి.