ఆంటీ ముందు అమ్మాయి తేలిపోయింది

90ల్లో కుర్రాళ్లను ఉర్రూతలూగించిన అందాల భామ రమ్యకృష్ణ. ఇటు తెలుగులో.. అటు తమిళంలో ఆమె స్టార్ హీరోయిన్ గా వెలుగొందింది. 90ల్లో ఆమె గ్లామర్ ధాటికి మిగతా హీరోయిన్లు తట్టుకోలేకపోయారు. హీరోయిన్ గా కెరీర్ ముగిశాక క్యారెక్టర్ రోల్స్ లోకి మారి.. అక్కడా తనదైన ముద్ర వేసిందామె. ‘బాహుబలి’లో శివగామిగా రమ్యకృష్ణ అభినయం గురించి ఎంత చెప్పుకున్నా తక్కువే. ఈ సినిమాతో ఆమె ఇమేజే మారిపోయింది. ఆమెకు పెద్దరికం, గౌరవం తెచ్చిపెట్టిందీ సినిమా. ఐతే ఆ ఇమేజ్ తోనే కొనసాగడం రమ్యకృష్ణకు ఇష్టం లేనట్లుగా ఉంది. విభిన్నమైన పాత్రలతో సాగాలనే కృతనిశ్చయంతో ఉన్న రమ్య.. సూర్య సినిమా ‘గ్యాంగ్’లో ఒక విలక్షణమైన పాత్ర చేస్తోంది.

ఇక ‘గ్యాంగ్’ ప్రి రిలీజ్ ఈవెంట్ కు రమ్య తయారై వచ్చిన తీరు చూసినా.. ఆమె ఎలాంటి ఇమేజ్ కోరుకుంటోందో అర్థమవుతుంది. ఇదే వేడుకకు వచ్చిన హీరోయిన్ కీర్తి సురేష్ ఏమాత్రం గ్లామర్ డోస్ లేకుండా నిండైన దుస్తులతో తయారై వస్తే.. రమ్యకృష్ణ మాత్రం పారదర్శకంగా ఉన్న చీర కట్టుకుని విపరీతంగా గ్లామర్ ఒలకబోసింది. ఆమె ఇటీవల కొంచెం బరువు కూడా తగ్గడంతో చాలా సెక్సీగా కనిపిస్తోంది కూడా. మొత్తానికి తన వయసులో సగం ఉన్న కీర్తి గ్లామర్ లెస్ గా వస్తే.. రమ్యకృష్ణ మాత్రం కళ్లు చెదిరే రీతిలో రెడీ అయి వచ్చి ఆమె ఔట్ షైన్ అయిపోయేలా చేసింది. ఇక ఈ సినిమాలో రమ్య పాత్ర విషయానికి వస్తే.. హిందీలో అనుపమ్ ఖేర్ చేసిన పాత్రను ఇక్కడ రమ్య చేస్తుండటం విశేషం. ఈ పాత్ర కొంచెం కొంటెగా.. సరదాగా ఉంటుంది. ఈ పాత్ర రమ్యకు మరో మలుపు అవుతుందని భావిస్తున్నారు.