సంక్రాంతి భామలకు హిట్టు కావాలి

సంక్రాంతికి టాలీవుడ్ లోనే కాదు.. కోలీవుడ్ లో కూడా సినిమాల సందడి ఎక్కువగానే ఉంటుంది. ఈ పండుగను క్యాష్ చేసుకునేందుకు మూవీ మేకర్స్ గట్టిగానే ప్రయత్నిస్తారు. ప్రతీ సారి ఒకటి రెండు సినిమాలో రేసులో ఉంటాయి కానీ.. ఈ ఏడాది మాత్రం 3 పెద్ద మూవీస్ పోటీ పడుతున్నాయి.

సూర్య నటించిన తానా సేరెంద్ర కూట్టం.. ప్రభుదేవా మూవీ గులేబకావళి.. విక్రమ్ నటించిన స్కెచ్.. ఈ ఏడాది కోలీవుడ్ రేసుగుర్రాలు. విచిత్రం ఏంటంటే. ఈ మూడు సినిమాల్లో నటిస్తున్న హీరోయిన్స్ అందరూ.. హిట్టు కోసం పాకులాడుతున్న వారే. తానా సేరేంద్ర కూట్టంలో నటించిన కీర్తి సురేష్ కు.. గతేడాది పాంబు సాట్టాయ్ కలిసి రాలేదు. అక్కడ స్టార్ హీరోయిన్ అయేందుకు సూర్య మూవీ హిట్టు కావడం చాలా అవసరం. గులేబకావళి మూవీలో హన్సిక హీరోయిన్ గా నటించింది. ఒకప్పుడు స్టార్ హీరోయిన్ గా వెలిగిన ఈ భామ.. ఇప్పుడు ఓ హిట్టు కోసం చాలాకాలంగానే పడిగాపులు పడుతోంది.

మరోవైపు.. విక్రమ్ మూవీ స్కెట్ లో మిల్కీ బ్యూటీ తమన్నా హీరోయిన్ గా నటించింది. స్టార్ హీరోయిన్ అనే స్టేటస్ తప్ప..సరిగా అవకాశాలు కూడా అందుకోలేకపోతున్న మిల్కీకి.. స్కెచ్ ఎలాంటి రిజల్ట్ అందిస్తుందో చూడాలి. ముగ్గురు భామలు సంక్రాంతి పైనే ఆశలు పెట్టుకున్నారు. మరి పొంగల్ పండుగ ఎవరికి మెరుపులు అందిస్తుందో చూడాలి.