కీర్తి సురేష్ రెట్రో లుక్ లో అద‌ర‌గొట్టేసింది!

క్రేజీ హీరోయిన్ కీర్తి సురేష్ `మ‌హాన‌టి` త‌రువాత త‌న పంథా పూర్తిగా మార్చుకుంది. ఓ ప‌క్క క‌మర్షియ‌ల్ హీరోయిన్ గా సినిమాలు చేస్తూనే మ‌రో ప‌క్క త‌న టేస్ట్ కి త‌గ్గ లేడీ ఓరియెంటెడ్ మూవీస్ చేస్తూ రెండు ర‌కాల సినిమాల‌తో త‌న కెరీర్ ని బ్యాలెన్స్ చేసుకుంటూ ప‌క్కా ప్లానింగ్ తో వెళుతోంది. ప్ర‌స్తుతం తెలుగులో నేచుర‌ల్ స్టార్ క‌థానాయకుడిగా న‌టిస్తున్న యాక్ష‌న్ డ్రామా `దస‌రా`లో హీరోయిన్ గా న‌టిస్తోంది. ఈ మూవీని మార్చి 30న భారీ స్థాయిలో పాన్ ఇండియా మూవీని ఐదు భాష‌ల్లో రిలీజ్ చేయ‌బోతున్నారు.

ఇక ఈ మూవీతో పాటు మెగాస్టార్ చిరంజీవి న‌టిస్తున్న `భోళా శంక‌ర్‌`లోనూ కీర్తి సురేష్ న‌టిస్తోంది. అయితే ఇందులో త‌న‌ది హీరోయిన్ క్యారెక్ట‌ర్ కాదు. చిరుకు చెల్లెలిగా క‌నిపించ‌బోతోంది. త‌మిళ మూవీ `వేదాలం` ఆధారంగా ఈ మూవీని రీమేక్ చేస్తున్నారు. మెహ‌ర్ ర‌మేష్ రూపొందిస్తున్న ఈ సినిమాని ఏకె ఎంట‌ర్ టైన్ మెంట్స్ బ్యాన‌ర్ పై అనిల్ సుంక‌ర నిర్మిస్తున్నారు. త్వ‌ర‌లో ఈ మూవీ ప్రేక్ష‌కుల ముందుకు రాబోతోంది.

ఇదిలా వుంటే రెండు క‌మ‌ర్షియ‌ల్ ఎంట‌ర్ టైన‌ర్ ల‌లో న‌టిస్తే ఓ హీరోయిన్ ఓరియెంటెడ్ మూవీలో న‌టిస్తున్న కీర్తి సురేష్ తాజాగా ఓ మ‌హిళా ప్ర‌ధాన మూవీకి గ్రీన్ సిగ్న‌ల్ ఇచ్చేసింది. ద‌ర్శ‌కుడు కె. చంద్రు డైరెక్ష‌న్ లో ది రూట్‌, పాష‌న్ స్టూడియోస్ బ్యాన‌ర్ ల‌పై జ‌గ‌దీష్‌, సుద‌న్ సుంద‌రం ఈ మూవీని నిర్మిస్తున్నారు. విభిన్న‌మైన స్టోరీతో రూపొందుతున్న ఈ మూవీకి `రివాల్వ‌ర్ రీటా` అనే టైటిల్ ని ఖ‌రారు చేశారు.

ఫ‌స్ట‌ లుక్ టైటిల్ పోస్ట‌ర్ ని హీరోయిన్ సమంత ట్విట్ట‌ర్ వేదికగా రిలీజ్ చేసింది. ఫ‌స్ట్ లుక్ పోస్ట‌ర్ లో కీర్తి సురేష్ టు గ‌న్స్ పేలుస్తూ రెట్రో లుక్ లో అద‌రగొట్టేసింది. ఇదే పోస్ట‌ర్ ని షేర్ చేసిన కీర్తి సురేష్ `ఇదిగో రివాల్వ‌ర్ రాణి రీటా.. ద రూట్ అండ్ ప్యాష‌న్ స్టూడియోస్ తో క‌లిసి నా నెక్స్ట్ జ‌ర్నీని ప్రారంభిస్తున్నందుకు సూప‌ర్ ఎక్సైటెడ్ గా వున్నాను` అంటూ ఈ సినిమా విష‌యంలో త‌ను ఎంత ఆస‌క్తిగా వుందో వెల్ల‌డించింది.

రీసెంట్ గా శింబు హీరోగా వెంక‌ట్ ప్ర‌భు తెర‌కెక్కించిన బ్లాక్ బ‌స్ట‌ర్ మూవీ `మానాడు` సినిమాకు మాట‌లు అందించిన కె. చంద్క‌రు ఈ మూవీతో ద‌ర్శ‌కుడిగా ప‌రిచ‌యం కాబోతున్నాడు. దినేష్ కృష్ణ‌న్ సినిమాటోగ్ర‌ఫీని, కె.ఎల్ ప్ర‌వీణ్ ఎడిటింగ్‌, దిలీప్ సుబ్బ‌రాయ‌న్ స్టంట్స్ అందించ‌బోతున్నారు. 1970వ ద‌శ‌కంలో వ‌చ్చిన ఓ సినిమాకు రీమేక్ గా ఈ మూవీని రూపొందిస్తున్నార‌ని ఇన్ సైడ్ టాక్‌. త్వ‌రలోనే ఈ మూవీ రెగ్యుల‌ర్ షూటింగ్ ని ప్రారంభించ‌నున్నార‌ని తెలిసింది.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.