మ‌హాన‌టిగా మారిన కీర్తి సురేష్‌

అల‌నాటి మ‌హాన‌టి సావిత్రి జీవిత క‌థ ఆధారంగా తెర‌కెక్కుతున్న చిత్రం ‘మ‌హాన‌టి’. పెద్ద హీరోలు ఎవ్వ‌రూ లేక‌పోయినా ఈ సినిమాపై భారీ అంచ‌నాలే ఉన్నాయి. మ‌హాన‌టి పాత్ర‌లో ముద్దుగుమ్మ కీర్తి సురేష్ న‌టిస్తున్న విష‌యం తెలిసిందే. ఈ చిత్ర టీజ‌ర్ ఈరోజు విడుద‌ల కాబోతోంది. ఈ సంద‌ర్భంగా సావిత్రి వేష‌ధార‌ణ‌లో ఉన్న కీర్తి సురేష్ పోస్ట‌ర్ ను విడుద‌ల చేసింది చిత్ర బృందం.

ప‌ర‌దా వెన‌కాల నుంచి ఓర కంట చూస్తూ నిల‌బ‌డిన కీర్తి సురేష్ ఫోటోను చూస్తుంటే... సావిత్రి క‌ళ్ల ముందు మెద‌ల‌డం ప‌క్కా. అచ్చు సావిత్రిని పోలిన హెయిర్ స్టైల్‌- క‌నుబొమ్మ‌లు- ఫుల్ జాకెట్ ధ‌రించి చూసేవారిని ఇట్టే క‌ట్టిప‌డేస్తోంది కీర్తి సురేష్‌. నిజానికి త‌న అసామ‌న్య‌మైన న‌ట‌న‌తో మ‌హాన‌టిగా గుర్తింపు పొందిన సావిత్రి పాత్ర‌లో క‌నిపించ‌డం అంత తేలికైన ప‌ని కాదు. శ‌శిరేఖ‌గా అమాయ‌కంగా కనిపిస్తూనే... ఘ‌టోత్క‌చుడిగా వీరత్వం నిండిన ఆహార్య‌మూ పండించ‌గ‌లిగిన అద్భుత న‌టి సావిత్రి. మేక‌ప్ ప‌రంగా చూస్తే మాత్రం కీర్తి సురేష్ సావిత్రి గారికి ద‌గ్గ‌ర‌గానే క‌నిపిస్తోంది. సావిత్రి క‌ళ్ల‌లో క‌నిపించే ఓ మ్యాజిక్ మాత్రం మిస్ అయ్యిందంతే!

షూటింగ్ మొదలుపెట్టిన తొలిరోజుల్లోనే కొన్ని ఫోటోలు లీక్ అవ్వ‌డంతో కీర్తి సురేష్ లుక్కును ఎక్క‌డా లీక్ కాకుండా చాలా జాగ్ర‌త్త‌లు తీసుకుంది చిత్ర బృందం. ఇప్ప‌టికే జ‌ర్న‌లిస్టు మధుర‌వాణి పాత్ర‌లో స‌మంత‌... అమె ప్రేమికుడి పాత్ర‌లో విజ‌య్ దేవ‌ర‌కొండ పాత్ర‌ల పోస్ట‌ర్ల‌ను విడుద‌ల చేసిన చిత్ర బృందం ఇప్పుడు సావిత్రి లుక్కులో ఉన్న కీర్తి సురేష్ ఫ‌స్ట్ లుక్ ను విడుద‌ల చేశారు. ఈ సినిమాను ఎవ‌డే సుబ్ర‌హ్మ‌ణం ద‌ర్శ‌కుడు నాగ అశ్విన్ తెర‌కెక్కిస్తున్న విష‌యం తెలిసిందే.