ఓన‌మ్ స్పెష‌ల్ లుక్.. మ‌హాన‌టి కాదు మ‌హాల‌క్ష్మి..!

`మ‌హాన‌టి` కీర్తిసురేష్ మళ్లీ కోలీవుడ్ లో బిజీ అవుతోంది. అడ‌పాద‌డ‌పా తెలుగు సినిమాల్లో న‌టిస్తూనే.. వ‌రుస‌గా త‌మిళ సినిమాల‌కు సంత‌కాలు చేస్తోంది. ప్ర‌స్తుతం సూప‌ర్ స్టార్ ర‌జ‌నీకాంత్ క‌థానాయ‌కుడిగా న‌టిస్తోన్న `అన్నాథే`లో న‌టిస్తోంది. అలాగే మ‌రో ఇద్ద‌రు అగ్ర హీరోల చిత్రాల్లో న‌టిస్తోంది. మ‌రోవైపు మాతృభాష మ‌ల‌యాళంలోనూ హ‌వా చాటుతోంది. కీర్తి సురేష్ కెరీర్ మాలీవుడ్ లో ఆరంభ‌మైన నేప‌థ్యంలో సెంటిమెంటును మ‌రువ‌కుండా అక్క‌డ‌ వ‌రుస‌గా సినిమాలు చేస్తోంది. ఇటు టాలీవుడ్ లో సెలెక్టివ్ గా ముందుకెళుతోంది. గ్లామ‌ర్ రోల్స్ కి దూరంగా ఉంటూ ట్రెడిష‌న‌ల్ గాళ్ గానే మెప్పించ‌డానికి ప్ర‌య‌త్నిస్తోంది.

ప్ర‌స్తుతం సూప‌ర్ స్టార్ మ‌హేష్ స‌ర‌స‌న `స‌ర్కారు వారి పాట` చిత్రంలో న‌టిస్తోంది. అలాగే జ‌గ‌ప‌తిబాబు..ఆది పినిశెట్టి ప్ర‌ధాన పాత్ర‌ల్లో తెర‌కెక్కుతోన్న `గుడ్ ల‌క్ స‌ఖి` అనే మ‌రో చిత్రం చేస్తోంది. ప్రస్తుతానికి టాలీవుడ్ లో ఈ రెండు సినిమాలే చేస్తోంది. మ‌రోవైపు కోలీవుడ్ నే ప్ర‌ధాన ఆదాయ వ‌న‌రుగా మార్చుకుని అక్క‌డే బిజీ అవుతోంది. అయితే టాలీవుడ్ లో కీర్తి కెరీర్ స్పీడ్ అందుకోక‌పోవ‌డానికి చాలా కార‌ణాలే ఉన్నాయి. హ‌ద్దు మీరిన గ్లామ‌ర్ ఎలివేష‌న్స్ లో కీర్తి సురేష్ తొలి నుంచే దూరంగానే ఉంటుంది. అందాల ఆర‌బోత‌కు కీర్తి స‌సేమీరా అంటోంది. ఆ ర‌కంగా కీర్తి కెరీర్ ఆశించినంత‌గా సాగ‌లేదు. అయితే న‌టిగా తెలుగు ప్రేక్ష‌కుల‌కు మాత్రం చాలా త‌క్కువ స‌మ‌యంలోనే రీచ్ అయింది. ఆ క్రెడిట్ తోనే ఇంకా స్టార్ హీరోల చిత్రాల్లో అవ‌కాశాలు అందుకుంటోంది.

ఇక కీర్తి సురేష్ సోష‌ల్ మీడియాలో రేర్ గా అభిమానుల‌కు ట‌చ్ లో ఉంటుంది. హ‌ద్దు మీరిన‌ గ్లామ‌ర్ ఫోటోషూట్ల‌కు దూరం కాబ‌ట్టి ఎక్కువ‌గా ట్రెడిష‌న‌ల్ ఫోటోల‌నే అభిమానుల‌కు షేర్ చేస్తుంటుంది. గ్లామ‌ర్ వ‌ర‌ల్డ్ లో ఎంత కాంపిటీష‌న్ ఉన్నా కీర్తి త‌న‌కంటూ ఓ కొత్త మార్గాన్ని ఎంపిక చేసుకుని ముందుకెళ్తోంది. తాజాగా కేర‌ళ రాష్ట్ర పండుగ ఓనం ని పుర‌స్క‌రించుకుని పండుగ సంప్ర‌దాయం ప్ర‌కారం చీర క‌ట్టులో ఆకర్ష‌ణీయంగా రెడీ అయ్యింది. నేటి ఉద‌యం ఓన‌మ్ పూజ‌లు పున‌స్కారాల‌తో ల‌క్ష్మీ దేవినే త‌ల‌పించింది కీర్తి. చెక్స్ గ్రీన్ బ్లౌస్ జాకెట్ క్రీమ్ క‌ల‌ర్ సారీలో.. త‌ల‌లో మ‌ల్లెపూలు.. మెడ లో బంగారు న‌గ‌ల్ని అల‌క‌రించుకుని అందంగా క‌నిపిస్తుంది. ప్ర‌స్తుతం ఈ ఫోటో సోష‌ల్ మీడియాలో వైర‌ల్ గా మారింది.