చైతూకి జోడీగా కీర్తికి ఇష్ట‌మే

'మ‌హాన‌టి' ఘ‌న‌విజ‌యంతో అసాధార‌ణ పాపులారిటీ ద‌క్కించుకుంది కీర్తి సురేష్‌. ఊహించ‌ని ఆ పాపులారిటీ క‌మ‌ర్షియల్ సినిమాల సెల‌క్ష‌న్ ప‌రంగా కొంత డైల‌మాని సృష్టించిన మాట వాస్త‌వం. కీర్తి ఆచితూచి క‌థ‌ల్ని ఎంపిక చేసుకోవాల్సి వ‌చ్చింది. ఆ క్ర‌మంలోనే కొంత గ్యాప్ కూడా వ‌చ్చింది. అయితే గ్యాప్ వ‌చ్చినా ప్ర‌స్తుతం వ‌రుస‌గా సినిమాల‌కు సంత‌కాలు చేస్తూ కీర్తి జోరు పెంచింది. ఓవైపు సౌత్ లో క్రేజీ సినిమాల‌కు సంత‌కాలు చేస్తూనే మ‌రోవైపు బాలీవుడ్ అవ‌కాశాల్ని ఒడిసిప‌డుతోంది.

బాలీవుడ్ యాక్ష‌న్ స్టార్ అజ‌య్ దేవ‌గ‌న్ స‌ర‌స‌న ఓ సినిమాకి సంత‌కం చేసింది కీర్తి. ఆ సినిమా టైటిల్ స‌హా ఇత‌ర‌త్రా వివ‌రాలు వెల్ల‌డి కావాల్సి ఉంది. అలాగే సౌత్ లోనూ క‌థ‌లు వింటోంద‌ట‌. కింగ్ నాగార్జున - నాగ‌చైత‌న్య క‌థానాయ‌కులుగా `సోగ్గాడే చిన్ని నాయ‌నా` ఫేం కళ్యాణ్ కృష్ణ తెర‌కెక్కించ‌నున్న బంగార్రాజు చిత్రానికి కీర్తి ని సంప్ర‌దించార‌ని ఇటీవ‌ల‌ వార్త‌లొచ్చాయి. ఈ చిత్రంలో చైత‌న్య స‌ర‌స‌న కీర్తిని న‌టింప‌జేసే ప్ర‌య‌త్నాలు జ‌రుగుతున్నాయ‌ని ప్ర‌చార‌మైంది. అయితే ఈ సినిమాకి కీర్తి ఓకే చెప్పిందా లేదా? అన్న‌ది ఇంకా స‌స్పెన్స్ గా ఉంది.

కీర్తి మైండ్ లో అస‌లేం ఉంది? అని ఆరాతీస్తే.. బంగార్రాజు చిత్రంలో న‌టించేందుకు కీర్తి ఆస‌క్తిగానే ఉంద‌ని తెలుస్తోంది. అయితే బంగార్రాజు టీమ్ నుంచి అధికారికంగా ఈ విష‌యాన్ని ప్ర‌క‌టించాల్సి ఉంది. బంగ‌ర్రాజు ప్ర‌స్తుతం ప్రీప్రొడ‌క్ష‌న్ ద‌శ‌లో ఉంది. క‌ళ్యాణ్ కృష్ణ ఇప్ప‌టికే బౌండ్ స్క్రిప్టు రెడీ చేసి సెట్స్ కెళ్లేందుకు రెడీగా ఉన్నార‌ని తెలుస్తోంది. నాగార్జున న‌టిస్తున్న మ‌న్మ‌ధుడు 2 చిత్రీక‌ర‌ణ పూర్త‌వ్వ‌గానే బంగార్రాజు సెట్స్ కెళ‌తార‌ని చెబుతున్నారు. ఈ జూలైలోనే బంగ‌ర్రాజు ప్రారంభోత్స‌వం ఉంటుంద‌న్న మాటా అక్కినేని కాంపౌండ్ లో వినిపిస్తోంది. ఈ చిత్రంలో నాగార్జున స‌ర‌స‌న క‌థానాయిక ఎవ‌రు? అన్న‌ది తెలియాల్సి ఉందింకా.