'మోహన్ లాల్'తో జతకట్టిన కీర్తి సురేష్..ఎందుకంటే?

తెలుగు చిత్రపరిశ్రమకు నేను శైలజ సినిమాతో పరిచయం అయింది మలయాళ కుట్టి కీర్తి సురేష్. మొదటి సినిమాతోనే అటు అందం ఇటు అభినయంతో ఆకట్టుకుంది. ఆ తర్వాత నాని హీరోగా నటించిన నేను లోకల్ సినిమాలో నటించి మంచి గుర్తింపు సంపాదించుకుంది. ఇక నేను లోకల్ తర్వాత చేసిన మహానటి సినిమా కీర్తి కెరియర్ ని పూర్తిగా మార్చేసింది. ఏకంగా ఈ సినిమాకి జాతీయ అవార్డు తెచ్చిపెట్టింది. అప్పటివరకు డీసెంట్ గ్లామర్ పాత్రలు చేసుకుంటూ వచ్చిన కీర్తికి ఫస్ట్ టైం నటనకి తగ్గ పాత్ర దక్కింది. జాతీయ అవార్డు గెలుచుకున్న కీర్తి.. ఈ సినిమాకి గాను ఒక పక్క ఫిలింఫేర్‌, మరోపక్క జాతీయ స్థాయి అవార్డులను అందుకోవడం తనకెంతో సంతోషంగా ఉందని, అసలు నా సినీ కెరీర్‌లో జాతీయ అవార్డు ఇంత త్వరగా వస్తుందని అనుకోలేదని చెప్పుకొచ్చింది. కీర్తి ఇంతవరకు వెండితెర పై హద్దులు దాటే విధంగా అందాలు ఆరబోయలేదు.

మోడరన్ డ్రెస్సుల్లో మెరిసినప్పటికీ గ్లామర్ ఒలకబోయలేదు. తదుపరి చిత్రాల్లో కీర్తి సురేష్ అందాలు ఆరబోయనుందని.. బికినిలో కనిపించనుందని ప్రచారం జరిగింది. అందుకోసమే కీర్తి సురేష్ బరువు తగ్గి సన్నగా మారిందని ఊహాగానాలు వినిపించాయి. ఈ ఊహాగానాలకు అదిరిపోయే సమాధానం ఇచ్చిన కీర్తి సురేష్ అందరి నోళ్లు మూయించింది. తాను తన ఆరోగ్యం కోసం, ఫిట్ గా ఉండడం కోసం బరువు తగ్గానని.. బికినీ వేసుకోవడం కోసం కాదని కీర్తి సురేష్ తెలిపింది. ఇదిలా ఉండగా కీర్తి తన ఇంస్టాగ్రామ్ ద్వారా తన చిన్నప్పటి పిక్ షేర్ చేసింది. ఆ ఫోటోలో కీర్తి ఎంతో ముద్దుగా బొద్దుగా ఉంది. కీర్తితో పాటు తన తండ్రి సురేష్, ఇంకా సూపర్ స్టార్ మోహన్ లాల్.. తన కుటుంబ సభ్యులు ఉన్నారు. ఇంకా ఆ ఫోటోతో పాటు.. హ్యాపీ బర్త్డే మోహన్ లాల్ సార్.. మీతో కలిసి ఫోటో దిగటం ఓ కల నెరవేరునట్లుగా ఉంది. అంటూ ట్యాగ్ లైన్ మెన్షన్ చేసింది. ప్రస్తుతం ఈ ఫోటో సోషల్ మీడియాలో తెగ వైరల్ అవుతోంది. ఇక కీర్తి త్వరలోనే పెంగ్విన్ సినిమాతో మన ముందుకు రానుంది.