నీ అసలు రంగు.. దర్శకుడిపై కీర్తి సురేష్‌ వ్యాఖ్యలు

నితిన్ హీరోగా కీర్తి సురేష్‌ హీరోయిన్‌ గా రూపొందిన రంగ్‌ దే సినిమా విడుదలకు సిద్దం అయ్యింది. ఈ వారంలో విడుదల కాబోతున్న రంగ్‌ దే సినిమా ప్రీ రిలీజ్ వేడుక త్రివిక్రమ్‌ ముఖ్య అతిథిగా జరిగింది. ఈ వేడుక చాలా సరదాగా సాగిపోయింది. ప్రముఖులు చిత్ర యూనిట్‌ సభ్యులకు శుభాకాంక్షలు తెలియజేశారు. ఈ సందర్బంగా చిత్రంలో హీరోయిన్ గా నటించిన కీర్తి సురేష్‌ మాట్లాడుతూ సరదాగా దర్శకుడు వెంకీ అట్లూరిపై వ్యాఖ్యలు చేసింది. ఈ సినిమా కోసం నితిన్ తో చేసిన రొమాన్స్ అన్ని వర్గాల వారిని ఆకట్టుకునేలా ఉంటుందని అంటున్నారు. రంగ్‌ దే ట్రైలర్ ను చూస్తుంటే సినిమాలో ఆమె పాత్ర చాలా ప్రాముఖ్యతను కలిగి ఉంటుందని అనిపిస్తుంది.

ప్రీ రిలీజ్ వేడుకలో కీర్తి సురేష్‌ మాట్లాడుతూ.. మహానటి తర్వాత ఇలాంటి స్టేజ్ మీద మాట్లాడటం ఇదే. మూడు సంవత్సరాలు అవుతున్న కారణంగా కాస్త ఇబ్బందిగా ఉంది. త్రివిక్రమ్‌ గారు ఈ వేడుకకు రావడం చాలా సంతోషంగా ఉంది. దేవిశ్రీ ప్రసాద్‌ గారితో ఇది మూడవ సినిమా. తప్పకుండా మా కాంబినేసన్‌ లో ఈ సినిమా హ్యట్రిక్‌ గా నిలుస్తుందనే నమ్మకం ఉంది. నన్ను నమ్మి ఈ పాత్రను ఇచ్చిందుకు దర్శక నిర్మాతలకు కృతజ్ఞతలు. దర్శకుడు వెంకీ అట్లూరిని అందరు ఇక్కడ చాలా ఇన్నోసెంట్‌ అనుకుంటున్నారు. నీ అసలు రంగు ఎవరికి తెలిదు అంటూ కీర్తి సురేష్ గట్టిగా నవ్వేసింది. ఈ టీమ్ తో మళ్లీ సినిమాలు చేయాలని కోరుకుంటున్నట్లుగా అభిప్రాయం వ్యక్తం చేసింది.