మేన‌క మూవీ మ‌హాన‌టి రీమేక్

మ‌హాన‌టి త‌ర్వాత‌ కీర్తి సురేష్ టాలీవుడ్ లో సినిమాలు త‌గ్గించి కోలీవుడ్ లో బిజీ అయిన‌ సంగ‌తి తెలిసిందే. మ‌హాన‌టి ఎఫెక్టుతో మ‌సాలా సినిమాలు చేయ‌డానికి ఆస‌క్తిని క‌న‌బ‌ర‌చ‌లేదు. లేడీ ఓరియేంటెటెడ్ క‌థ‌ల్ని మాత్రం అంగీక‌రిస్తోంది. రెగ్యుల‌ర్ గ్లామ‌ర్ రోల్స్ కి నో చెప్పేస్తోంది. అయితే కోలీవుడ్ లో మాత్రం త‌న‌కు వ‌చ్చిన ఏ అవ‌కాశాన్ని వ‌దిలిపెట్ట‌లేదు. గ్లామ‌ర్ రోల్స్ తో పాటు సోలో నాయిక‌గా త‌న‌కు పేరొచ్చే సినిమాలకు అంగీక‌రిస్తోంది.

ప్ర‌స్తుతం బాలీవుడ్ లోనూ క్రేజీగా ఎంట్రీ ఇస్తోంది. ఈలోగానే కీర్తికి ఓ అరుదైన అవ‌కాశం ల‌భించింది. త‌న‌ త‌ల్లిగారైన‌ మేన‌క న‌టించిన `నేత్రిక్క‌న్` (ర‌జ‌నీకాంత్- మేన‌క జంట‌గా) రీమేక్ లో న‌టించే అవ‌కాశం ద‌క్కించుకుంది. ఇందులో త‌న‌ త‌ల్లి మేన‌క‌ పోషించిన‌ పాత్ర‌లో న‌టించ‌నుందిట‌. క‌న్న‌డ‌-త‌మిళంలో మేన‌క‌ నాటి మేటి నాయిక‌ల్లో ఒక‌రిగా వెలిగారు. త‌ల్లి వార‌స‌త్వాన్ని పుణికి పుచ్చుకునే కీర్తి బాల‌న‌టిగా తెరంగేట్రం చేసి యుక్త‌వ‌య‌సులో క‌థానాయిక అయ్యింది. ల‌క్కీగా ఇప్పుడు త‌న మ‌ద‌ర్ న‌టించిన చిత్రంలోనే అవ‌కాశం వ‌రించింది.

నేత్రిక్క‌న్ సీక్వెల్ చేయాల‌న్న డ్రీమ్ ని సూప‌ర్ స్టార్ ర‌జ‌నీకాంత్ అల్లుడు ధ‌నుష్ ఇటీవ‌లే బ‌హిర్గ‌తం చేశారు. ప్ర‌స్తుతం ప్రీప్రొడ‌క్ష‌న్ స‌హా కాస్టింగ్ ఎంపిక‌ల్లో అత‌డు బిజీ. మామ ర‌జ‌నీకాంత్ న‌టించిన పాత్ర‌లోనే ధ‌నుష్ న‌టించ‌నున్నాడు. అత‌డి స‌ర‌స‌న కీర్తి న‌టించ‌నుంది. ధ‌నుష్-కీర్తి సురేష్ గ‌తం లో `రైల్` అనే ఫ్లాప్ సినిమా లో న‌టించిన సంగ‌తి తెలిసిందే. ఇక నేత్రిక్క‌న్ సీక్వెల్ కి ద‌ర్శ‌క నిర్మాతలు ఎవ‌రు? అన్న వివ‌రాలు తెలియాల్సి ఉంది. ఇది త‌న‌ డ్రీమ్ ప్రాజెక్ట్ కాబ‌ట్టి ధ‌నుష్‌ నిర్మాత‌గా వ్య‌వ‌రించ‌నున్నార‌ని కోలీవుడ్ వ‌ర్గాల స‌మాచారం.