క్రియేటివ్ డైరెక్టర్ తో కీర్తి సురేష్ ?

తన కెరీర్ ను మహానటికు ముందు మహానటికి తర్వాత అని రెండు భాగాలూగా విభజించుకునేంత గొప్ప విజయాన్ని అందుకున్న హీరోయిన్ కీర్తి సురేష్ మళ్ళి ఆ స్థాయి సక్సెస్ ని అందుకోలేకపోయింది. విజయ్-సూర్య-విశాల్ లాంటి స్టార్ల సరసన అవకాశాలు వస్తున్నాయి కానీ ఎంతసేపూ తన పాత్ర వాళ్ళ పక్కన ఆడిపాడడానికి తప్ప పెద్దగా ఉపయోగపడటం లేదు.

ఈ క్రమంలో తన నటనకు మరింత సవాళ్లు ఎదురుకునే క్రమంలో కీర్తి సురేష్ మెల్లగా బాలీవుడ్ వైపు అడుగులు వేస్తోంది. ఇప్పటికే బదాయి హో దర్శకుడు అమిత్ శర్మ ఓ సబ్జెక్టుతో తనను సంప్రదించినట్టు రెండు రోజుల క్రితమే న్యూస్ వచ్చింది. ఇప్పుడు మరో కిక్ ఇచ్చే వార్త ఏంటంటే మరో విలక్షణ దర్శకుడు కీర్తి సురేష్ కోసం ఓ సబ్జెక్టును రెడీ చేశాడట.

అతనే నగేష్ కుకునూర్. సైంటిఫిక్ అంశాలతో పాటు సామాజిక స్పృహ కలిగిన సినిమాలు తనకు మాత్రమే సాధ్యమయ్యే విభిన్నమైన స్క్రీన్ ప్లే తో తీస్తాడనే పేరున్న నగేష్ ఇటీవలే కీర్తి సురేష్ ను సంప్రదించినట్టు తెలిసింది. చాలా విలక్షణమైన పాత్ర కోసం ముందు సాంపిల్ ఫోటో షూట్ చేసి ఆ తర్వాత కథ గురించి పూర్తిగా చర్చించినట్టు బాలీవుడ్ టాక్.

తన కథకు సూట్ అయితే తప్ప ఎంత పెద్ద యాక్టర్స్ నైనా తీసుకునే అలవాటు లేని నగేష్ కుకునూర్ అదే పనిగా కీర్తి సురేష్ ని సంప్రదించాడు అంటే అది మహానటి ఎఫెక్టే అయ్యుంటుంది. దీనికి సంబంధించిన పూర్తి వివరాలు తెలియడానికి ఇంకాస్త టైం పడుతుంది