కీర్తి పెరుగుతుంటే సైజ్ తగ్గుతోందిగా

మలయాళీ ముద్దుగుమ్మ కీర్తి సురేష్ కి మిగతా ఇండస్ట్రీల నుంచి బాగానే ఇన్విటేషన్స్ వస్తున్నాయి. చైల్డ్ ఆర్టిస్ట్ టైం నుంచి మల్లువుడ్ లో ఉండడంతో.. ఈ చిన్నదానికి అక్కడ హీరోయిన్ ఆఫర్స్ బాగానే వచ్చాయి. పైగా హీరోయిన్ మేనక కూతురు కావడంతో.. ఇండస్ట్రీలో నిలదొక్కుకోవడానికి పెద్దగా టైం పట్టలేదు. ఈ మేనక ఎవరోకాదు.. అప్పట్లో మెగాస్టార్ చిరంజీవి విలన్ గా నటించిన పున్నమి నాగు సినిమాలో ఓ హీరోయిన్.

అలా హీరోయిన్ మేనక కూతురు కావడం, యాక్టింగ్ ట్యాలెంట్ ఉండడంతో.. కీర్తి సురేష్ కి ఇతర భాషల నుంచి ఆఫర్స్ బాగానే వచ్చాయి. తెలుగులో ఎనర్జిటిక్ హీరో రామ్ తో కలిసి 'నేను..శైలజ'లో శైలజగా నటించింది కీర్తి. ఈ మూవీ సక్సెస్ లో కీర్తి ట్యాలెంట్ చాలానే ప్రభావం చూపించింది. అయితే.. అమ్మడి పర్సనాలిటీ విషయంలో మాత్రం బాగా నెగిటివ్ మార్క్స్ పడ్డాయి. ఆ తర్వాత తెలుగులో సినిమా ఆఫర్స్ రాలేదు. వచ్చినవన్నీ ఎంక్వైరీల దగ్గరే ఆగిపోతున్నాయి.

తమిళ్ లో ఓ అరడజన్ సినిమాలు చేసేస్తున్నా.. తెలుగోళ్లు కొంచెం దూరం పెడుతున్నారు. మరి హీరోయిన్లకు భారీగా ముట్టచెప్పడం విషయంలో టాలీవుడ్ కి ఘనకీర్తి ఉంది. ఆ కీర్తిని ఈ కీర్తి సురేష్ క్యాష్ చేసుకోవాలంటే సైజ్ తగ్గక తప్పదనే సత్యాన్ని గ్రహించిన ఈమె.. ఇప్పుడు వెయిట్ లాస్ పనిలో పడింది. రీసెంట్ గా తొడరి అనే తమిళ్ మూవీ ఆడియో ఫంక్షన్ లో తన పర్సనాలిటీని తగ్గించుకుని కనిపించింది కీర్తి సురేష్. మరి ఇప్పుడైనా టాలీవుడ్ మూవీ మేకర్స్ ఆఫర్స్ ఇస్తారేమో చూడాలి.