వామ్మో.. నిఖిల్ పగ మామూలుగా లేదే

ప్రామిసింగ్ సినిమాలు చేస్తున్న యంగ్ హీరో నిఖిల్ సిద్ధార్ధ్.. కేశవ అంటూ కొత్త సినిమాతో వచ్చేస్తున్నాడు. ఇప్పటికే ప్రీ లుక్.. ఫస్ట్ లుక్‌లతో ఆకట్టుకున్న కేశవ.. ఇప్పుడు షూటింగ్ చివరి దశకు చేరుకుంది. ఈ కేశవ మూవీకి టీజర్ డేట్ ఇస్తూ కొత్త పోస్టర్ వేశాడు దర్శకుడు సుధీర్ వర్మ. గత పోస్టర్లలో చిన్న లెటర్స్ లో వేసిన క్యాప్షన్ అందరినీ ఆకట్టుకుంది.

ఇప్పుడదే సెంటెన్స్ ను పెద్ద పెద్ద అక్షరాలతో వేసి.. వాటి మధ్యలోంచి నిఖిల్ వస్తున్నట్లుగా ప్రింట్ చేశారు. "పగ అనే వంటకాన్ని చల్లగా ఉన్నపుడు వడ్డిస్తే.. ఆ కిక్కే వేరు" అనే మీనింగ్ వచ్చేలా ఈ ఇంగ్లీష్ వర్డింగ్ ఉంటుంది. మార్చ 23న కేశవ టీజర్ రిలీజ్ చేయబోతున్నామని పోస్టర్ ద్వారా చెప్పారు కానీ.. ఇక్కడ అసలు పాయింట్.. నిఖిల్ లుక్ గురించే చెప్పుకోవాలి. ఇప్పటివరకూ నిఖిల్ ఏ సినిమాలోనూ కనిపించనంత రఫ్ లుక్ తో ఉన్నాడు. డిఫరెంట్ గా షేప్ చేసి బాగా పెరిగిన గడ్డం.. మాసిన తలకట్టు.. బైక్ పై రయ్యిమంటూ దూసుకువచ్చేస్తున్న నిఖిల్ ఈ పోస్టర్ లో కనిపిస్తాడు.

క్యాప్షన్ తోనే సినిమా కాన్సెప్ట్ పగ తీర్చుకోవడం అని చెప్పేయగా.. ఈ సినిమాలో నిఖిల్ తన పగను కూల్ గా తీర్చుకోవాల్సి ఉంటుందట. ఏ మాత్రం ఆవేశపడ్డా ఆగిపోయే గుండెతో.. చల్లగానే పగ తీర్చోకోవాల్సి వస్తుందట. ఈ మూవీకి అదే అసలైన హైలైట్ అని తెలుస్తోంది.

Like Us on Facebook : https://www.facebook.com/Tupakidotcom/