మ‌తులు చెడ‌గొడుతున్న రొమాంటిక్ బ్యూటీ

ఢిల్లీ బ్యూటీ కేతికశ‌ర్మ `రొమాంటిక్` చిత్రంతో టాలీవుడ్ కి ప‌రిచ‌య‌మైన సంగ‌తి తెలిసిందే. అమ్మ‌డు తొలి సినిమాతోనే గ్లామ‌ర్ డాళ్ గా ప్రూవ్ చేసుకుంది. మంచి పెర్పార్మ‌ర్ గాను పేరు ద‌క్కించుకుంది. ఇక నార్త్ బ్యూటీ తెర‌పైనా తెర‌వెన‌కా గ్లామ‌ర్ ఎలివేష‌న్స్ గురించి చెప్పాల్సిన ప‌నిలేదు. రొమాంటిక్ వెనుకుంది డ్యాషింగ్ డైరెక్ట‌ర్ పూరి జ‌గ‌న్నాధ్ కాబ‌ట్టి మ‌డిక‌ట్టుకుని కూర్చుంటానంటే కుద‌ర‌దు. పెద్ద తెర‌పై అన్నిటినీ వ‌డ్డించాల్సిందే. `రొమాంటిక్` లో దేనికీ అడ్డు చెప్ప‌లేదు ఈ కుర్ర‌బ్యూటీ. సినిమాకు డివైడ్ టాక్ వ‌చ్చినా అందులో న‌టీన‌టుల‌కు మంచి పేరొచ్చింది. పూరి సినిమాలో ఛాన్స్ అన‌గానే కేతిక టాలీవుడ్ అంతటా రిలీజ్ కి ముందే ఫేమ‌స్ అయిపోయింది.

ఆ సంగ‌తిని ప‌క్క‌న‌పెడితే కేతిక నిరంత‌రం సోష‌ల్ మీడియాల్లో హాట్ ఫోటోషూట్ల‌తో విరుచుకుప‌డుతున్న సంగ‌తి తెలిసిందే. తాజా టెంప్టింగ్ ఫోటోషూట్‌ ఒక‌టి ఇన్ స్టాలో వైర‌ల్ గా మారింది. కేతిక ఎంతో ఠీవిగా కెమెరాకు ఫోజులిచ్చింది. ఇందులో అమ్మ‌డు సిమెంట్ క‌ల‌ర్ ఫ్యాంట్... ఎల్లో స్కిన్ టైట్ డిజైన‌ర్ టాప్ ని ధ‌రించింది. అలాగే లెద‌ర్ కోట్ ని ధ‌రించింది. కేతిక క‌ళ్ల‌లో ఏదో గ‌మ్మ‌త్తైన స్పైసీనెస్ దాగి ఉంది. ఇందులో కేతిక చ‌బ్బీ లుక్ లో ఆక‌ట్టుకుంది. ఈ ఫోటో పై నెటిజ‌నుల కామెంట్లు ఆస‌క్తిక‌రం. కెరీర్ ఇప్పుడే మొద‌లైంది. పూర్తి స్థాయిలో ఇంకా అందాల విందు చేయ‌లేదు. భ‌విష్య‌త్ లో కేతిక నుంచి మ‌రింత‌గా గ్లామ్ షోని ఆశించ‌వ‌చ్చు. ప్ర‌స్తుతం తెలుగులో యువ‌హీరోల స‌ర‌స‌న కేతిక న‌టిస్తోంది.

ఇక కేతిక సినిమాల విష‌యానికి వ‌స్తే.. ప్ర‌స్తుతం యంగ్ హీరో నాగ‌శౌర్య స‌ర‌స‌న `ల‌క్ష్య`లో న‌టిస్తోంది. ఇది స్పోర్స్ట్ డ్రామా క‌థాంశంతో తెరకెక్కుతోంది. ఇప్ప‌టికే రిలీజ్ అయిన ప్ర‌చార చిత్రాలు సినిమాకు మంచి బ‌జ్ ని తీసుకొచ్చాయి. దీరేంధ్ర సంతోష్ అనే కొత్త కుర్రాడు ద‌ర్శ‌క‌త్వం వ‌హిస్తున్నాడు. శ్రీ వెంక‌టేశ్వ‌ర సినిమాస్..నార్త్ స్టార్ ఎంట‌ర్ టైన్ మెంట్స్ ఎల్ ఎల్ పీ సంయుక్తంగా నిర్మిస్తున్నాయి. న‌వంబ‌ర్ 12న చిత్రం ప్రేక్ష‌కుల ముందుకు వ‌స్తోంది.