ఫ్ల‌వ‌ర్ అనుకుంటున్నావా? యంగ్ బ్యూటీ ప్ర‌శ్న‌!

'రొమాంటిక్' చిత్రంతో టాలీవుడ్ లో అడుగుపెట్టింది కేతిక శ‌ర్మ‌. ఈ ముంబై బ్యూటీ అంద‌చందాలు న‌ట‌న‌కు మంత్ర‌ముగ్ధులైపోయారు యూత్. ముఖ్యంగా కేతిక టీజింగ్ యాటిట్యూడ్ కి భారీ ఫాలోయింగ్ ఏర్ప‌డింది.

ఆకాశ్ పూరి 'రొమాంటిక్' త‌ర్వాత నాగశౌర్య 'లక్ష్య' సినిమాలోనూ హీరోయిన్ గా నటించిన సంగ‌తి తెలిసిందే. కానీ తొలి రెండు సినిమాలు ఆశించిన విజ‌యాలు సాధించ‌లేదు. అయినా కేతిక కు అవ‌కాశాల ప‌రంగా కొదవేమీ లేదు. ప్ర‌స్తుతం టాలీవుడ్ లో బిజీ నాయిక‌గా కొన‌సాగుతోంది. మెగా హీరో పంజా వైష్ణవ్ తేజ్ స‌ర‌స‌న 'రంగ రంగ వైభవంగా' చిత్రంలో నటిస్తోంది. ఈ ఏడాది ఈ చిత్రం విడుద‌ల కానుంది.

ప్ర‌స్తుతం టాలీవుడ్ లో త‌న రేంజును మ‌రో లెవ‌ల్ కి తీసుకెళ్లాల‌నే ప్ర‌య‌త్నంలో ఉందిట ఈ భామ‌. అదే క్ర‌మంలో సోష‌ల్ మీడియాల్లోనూ త‌న ఫాలోయింగ్ ని పెంచుకునే పనిలో ఉంది. దానికి త‌గ్గ‌ట్టే నిరంత‌రం వేడెక్కించే ఫోటోషూట్లు.. వీడియో షూట్ల‌ను కేతిక షేర్ చేస్తోంది.

ప్రముఖ సోషల్ మీడియా ఇన్ ఫ్లుయెన్సర్ మెల్విన్ లూయిస్ తో ఎప్ప‌టిక‌ప్పుడు డ్యాన్సింగ్ వీడియోల‌ను కేతిక షేర్ చేస్తున్న సంగ‌తి తెలిసిందే.

ఆరంగేట్రంలో రొమాంటిక్ - లక్ష్యం బాక్సాఫీస్ వద్ద విఫలమైనా కేతిక‌కు దక్షిణాదిలో పెద్ద సంఖ్యలో అభిమానులను అనుచరులను సంపాదించుకుంది. సోషల్ మీడియా పేజీలలో తనకు సంబంధించిన కొన్ని మైండ్ బ్లోయింగ్ ఫోటోలు వీడియోల‌ను షేర్ చేయ‌డం ద్వారా టీజ్ చేయ‌డం ఈ బ్యూటీ ప్ర‌త్యేక‌త. ప్ర‌స్తుతం తన సినిమా ప్రమోషన్ లో బిజీగా ఉన్నప్పటికీ తాజా ఫోటో షూట్ కోసం సాంప్రదాయ దుస్తులలో పోజులిచ్చింది.

ఈ లుక్ లో ఎంతో అద్భుతంగా కనిపించింది. దీనికి పుష్ప సినిమా డైలాగ్ తో క్యాప్షన్ ఇచ్చింది, 'ఫ్ల‌వ‌ర్ అనుకుంటున్నావా?!'' అంటూ అర్థవంతమైన క్యాప్ష‌న్ ని ఇచ్చింది. నిజంగానే కేతిక ఫ్ల‌వ‌ర్ కాదు నిప్పు అంటూ పొగిడేస్తున్నారు యువ‌త‌రం. త‌న అంద‌చందాల‌కు ఎప్ప‌టిలానే మంత్ర‌ముగ్ధులు అయిపోతున్నారు.కేతిక న‌టించిన 'రంగ రంగ వైభవంగా' సెప్టెంబర్ 2న థియేటర్లలో విడుదలవుతోంది. ఒకే ఒక్క హిట్టు కొడితే అమ్మ‌డి రేంజ్ అమాంతం పెంచేస్తుంద‌న‌డంలో సందేహం లేదు.