మెగా అల్లుళ్లు కేతిక‌ని రౌండ‌ప్ చేసారే!

మెగా మేన‌ల్లుళ్లుగా ఎంట్రీ ఇచ్చిన సాయితేజ్-వైష్ణ‌వ్ తేజ్ కెరీర్ ని బిల్డ్ చేసుకునే ప‌నిలో బిజీగా ఉన్న సంగ‌తి తెలిసిందే. అన్న‌ద‌మ్ములిద్ద‌రు బ్యాక్ టూ బ్యాక్ సినిమాలు చేస్తూ బిజీ అవుతున్నారు. త‌మ్ముడు క‌న్నా అన్న‌య్య ముందే ఎంట్రీ ఇచ్చినా చిన్న పాటి తిప్ప‌దాలు కార‌ణంగా వెనుక‌బ‌డ్డాడు. ఇప్ప‌టికే సాయితేజ్ రెయిజ్ లో ఉండాలి.

కానీ ఇదింకా జ‌ర‌గ‌లేదు. ఇక వైష్ణ‌వ్ తేజ్ అన్న‌లా కాకుండా తెలివైన నిర్ణ‌యాల‌తో ముందుకు వెళ్తున్నాడు. డిఫ‌రెంట్ జాన‌ర్ సినిమాలు చేస్తూనే క‌మ‌ర్శియ‌ల్ ప్రాజెక్ట్ ల్ని ఒడిసిప‌ట్టుకుంటున్నాడు. సాయితేజ్-వైష్ణ‌వ్ తేజ్ మ‌ధ్య ఈ స‌న్న‌ని వ్య‌త్యాసం సుస్ప‌ష్టం. తాజాగా బ్ర‌ద‌ర్స్ ఇద్ద‌రు ఒకే హీరోయిన్ తో రొమాన్స్ చేస్తున్నారు.

'వినోద‌య్య సీత‌మ్' రీమేక్ లో సాయి తేజ్ ప‌వ‌న్ తో పాటు న‌టిస్తోన్న సంగ‌తి తెలిసిందే. ప‌వ‌న్ కి పోటీగానే ఈ పాత్ర కూడా సాగుతుంది. ఇందులో సాయితేజ్ కి జోడీగా ఢిల్లీ భామ కేతిక శ‌ర్మ ఎంపికైందిట‌. కొంత మంది న‌వ నాయిక‌ల్ని ప‌రిశీలించి సాయికి జోడీగా ఈ భామ‌ని ఎంపిక చేసిన‌ట్లు స‌మాచారం. ఇదే హీరోయిన్ తమ్ముడు వైష్ణ‌వ్ కి ఇప్ప‌టికే జంట‌గా న‌టిస్తోంది.

వైష్ణ‌వ్ తేజ్ హీరోగా 'రంగ రంగ వైభ‌వంగా' అనే చిత్రం తెర‌కెక్కుతోన్న సంగ‌తి తెలిసిందే. ఇందులో వైష్ణ‌వ్ కి పెయిర్ గాకేతిక న‌టిస్తోంది. ఈ సినిమా త్వ‌ర‌లోనే ప్రేక్ష‌కుల ముందుకు రానుంది. మొత్తానికి స‌న్నివేశం చూస్తుంటే అన్న‌ద‌మ్ములిద్ద‌రు ఒకే హీరోయిన్ ని రౌండప్ చేసిన‌ట్లు క‌నిపిస్తుంది. కేతిక 'రొమాంటిక్' సినిమాతో టాలీవుడ్ కి ప‌రిచ‌య‌మైంది.

అటుపై మ‌రో సినిమాలో న‌టించింది. ఈ రెండు సినిమాలు కూడా అమ్మ‌డికి పెద్ద‌గా గుర్తింపు తీసుకురాలేదు. కానీ న‌టిగా త‌న ఉనికి అయితే చాటుకోగల్గింది. మ‌రి బ్ర‌ద‌ర్స్ ఇద్ద‌రు కేతిక‌ని పైకి లేపుతారేమో చూడాలి. అమ్మ‌డి చేతిలో ఈ రెండు కాక కొత్త ప్రాజెక్ట్ లు లైన్ లో పెడుతున్న‌ట్లు స‌మాచారం.

మ‌రి పూరి ప‌రిచయం చేసిన ఈ భామ‌? టాలీవుడ్ లో ఎంత వ‌ర‌కూ రాణిస్తుందో చూడాలి. ఇప్ప‌టికే పూరి లాంచ్ చేసిన భామ‌లు కొంత మంది స్టార్ హీరోయిన్లుగా వెలిగిపోతుంటే..మ‌రికొంత మంది ఇంటిముఖం ప‌ట్టారు. మ‌రి కేతిక ఏ జాబితాలో చేరుతుందో చూడాలి.