పీకే : ఏడేళ్లకు అనసూయ కోరిక నెరవేరబోతుంది

హాట్‌ యాంకర్‌ అనసూయ ఇండస్ట్రీకి వచ్చి దాదాపుగా పుష్కర కాలం అవుతుంది. కాని ఆమెకు జబర్దస్త్‌ తోనే గుర్తింపు లభించింది. పలు సినిమాల్లో నటించినా కూడా ఏ ఒక్క సినిమా ఆమెకు సరైన గుర్తింపును తీసుకు రాలేక పోయాయి. బుల్లి తెరపై కూడా జబర్దస్త్‌ కు ముందు కనిపించింది. అవి కూడా పెద్దగా ఆకట్టుకోలేదు. ఎప్పుడైతే జబర్దస్త్‌ లో యాంకర్‌ గా కనిపించిందో అప్పటి నుండి టాక్‌ ఆఫ్‌ ది ఇండస్ట్రీ అయ్యింది. జబర్దస్త్‌ యాంకర్‌ గా ఓ రేంజ్‌ లో ఊపు ఊపేస్తున్న సమయంలో అనసూయకు త్రివిక్రమ్‌ 'అత్తారింటికి దారేది' చిత్రంలో ఒక పాత్రకు ఛాన్స్‌ ఇచ్చాడు.

ఆ సినిమాలో ఏదో కారణం తో అనసూయ చేయలేక పోయింది. ఆ సమయంలో ఆ విషయ మై చాలా పెద్ద రచ్చ జరిగింది. అప్పటి నుండి పవన్‌ సినిమాలో ఛాన్స్‌ కోసం అనసూయ ఎదురు చూస్తూ ఉందట. ఇన్నాళ్లకు ఆ కోరిక తీరబోతున్నందుకు అనసూయ చాలా సంతోషంగా ఉందంటూ ఆమె సన్నిహితులు చెబుతున్నారు. విశ్వసనీయంగా అందుతున్న సమాచారం ప్రకారం క్రిష్‌ దర్శకత్వంలో తెరకెక్కబోతున్న పవన్‌ 27 చిత్రంలో అనసూయ చాలా ముఖ్య పాత్రకు గాను ఎంపిక అయ్యిందట.

రంగస్థలం చిత్రం తర్వాత అనసూయ క్యారెక్టర్‌ ఆర్టిస్టుగా చాలా బిజీ అవుతుంది. ఈమెను కీలక పాత్రలకు ఎక్కువగా సంప్రదిస్తున్నారు. ఒక వైపు బుల్లి తెరపై సెన్షేషన్‌ క్రియేట్‌ చేస్తూనే మరో వైపు ఈ అమ్మడు వెండి తెరపై వరుసగా సినిమాలతో అలరిస్తూనే ఉంది. ఈసారి పవన్‌ 27లో ఛాన్స్‌ దక్కించుకుని ఎగిరి గంతేస్తోంది.

క్రిష్‌ దర్శకత్వం లో ఇటీవలే ప్రారంభం అయిన ఈ చిత్రాన్ని ఏఎం రత్నం నిర్మిస్తున్నాడు. స్వాతంత్య్రంకు పూర్వం నేపథ్యంలో ఈ చిత్రం కథ సాగుతుందట. గత ఏడాది సైరా రాగా.. ఈ ఏడాది ఆర్‌ఆర్‌ఆర్‌ చిత్రం కూడా స్వాతంత్య్రం కు పూర్వం కథతో రూపొందుతుంది. ఇప్పుడు పవన్‌ 27 కూడా అదే నేపథ్యం అవ్వడంతో అంతా ఆసక్తిగా ఎదురు చూస్తున్నారు.