కేజీఎఫ్‌ 2 న్యూ రిలీజ్ డేట్ లాక్‌

కన్నడ రాక్‌ స్టార్ యశ్‌ హీరోగా ప్రశాంత్‌ నీల్ దర్శకత్వంలో రూపొందిన కేజీఎఫ్‌ సంచలన విజయం సొంతం చేసుకున్న నేపథ్యంలో వీరి కాంబోలో రూపొందిన కేజీఎఫ్ 2 మరింత సంచలనంను సృష్టిస్తుంది. మొదటి పార్ట్‌ భారీ విజయాన్ని సొంతం చేసుకున్న నేపథ్యంలో రెండవ పార్ట్‌ విషయంలో అంచనాలు ఆకాశమే హద్దు అన్నట్లుగా ఉన్నాయి. గత ఏడాదిలోనే వస్తుంది అనుకున్న కేజీఎఫ్ 2 కరోనా వల్ల వాయిదాల మీద వాయిదాలు పడుతూ వచ్చింది. గత నెలలో విడుదల చేయాలని భావిస్తే సెకండ్‌ వేవ్‌ కారణంగా వాయిదా పడింది. తాజాగా అందుతున్న సమాచారం ప్రకారం ఈ సినిమా కొత్త విడుదల తేదీ ఖరారు అయ్యింది.

ప్రశాంత్ నీల్‌ కొత్త విడుదల తేదీ విషయంలో అధికారికంగా ప్రకటన చేసేందుకు సిద్దం అవుతున్నాడు. ఈ ఏడాదిలోనే విడుదల ఉంటుంది అంటూ అంతా నమ్మకంగా ఎదురు చూస్తున్నారు. పాన్ ఇండియా మూవీ కనుక కేజీఎఫ్ 2 సినిమా విడుదల తేదీ విషయంలో అన్ని భాషల్లో పోటీ మరియు ప్రత్యేక సందర్బంను చూడాల్సిన అవసరం ఉంది. కనుక విశ్వసనీయంగా అందుతున్న సమాచారం ప్రకారం దసరా సీజన్ లో కేజీఎఫ్ 2 రాబోతున్నట్లుగా చెబుతున్నారు. రెండు మూడు రోజుల్లో విడుదల తేదీని ప్రకటించడానికి ఏర్పాట్లు చేస్తున్నారు.

ఆర్‌ ఆర్‌ ఆర్‌ విడుదల తేదీ ని మార్చుతున్నారు. కనుక ఆ విడుదల తేదీపై కన్నడ మేకర్స్ దృష్టి పెట్టారు అనేది కొందరు చెబుతున్న మాట. కాని ఇప్పటి వరకు కేజీఎఫ్ 2 విడుదల విషయమై ఎలాంటి స్పష్టత రాలేదు. యూనిట్‌ సభ్యులు విడుదల తేదీ విషయంలో లీక్ ఇవ్వడం లేదు. కన్నడ మీడియా లో మాత్రం కేజీఎఫ్ 2 ను వచ్చే దసరాకు విడుదల చేయాలని భావిస్తున్నట్లుగా కథనాలు అల్లుతున్నారు. అసలు విషయం ఏంటీ అనేది తెలియాలంటే కేజీఎఫ్ 2 మేకర్స్ నుండి రెండు మూడు రోజుల్లో రాబోతున్న ప్రకటన తో క్లారిటీ రావాల్సి ఉంది.