టాలీవుడ్ వైపు కేజీఎఫ్ భామ చూపు!

'కేజీఎఫ్' హిట్ తో శ్రీనిధి శెట్టి పాన్ ఇండియాలో ఫేమ‌స్ అయింది. చాప్ట‌ర్ -1 రిలీజ్ తోనే ఐడెంటిటీ ద‌క్కిన‌ప్ప‌టికీ అప్పుడు అంత‌గా ఫోక‌స్ కాలేక‌పోయింది. ఇటీవ‌లే చాప్ట‌ర్ -2 రిలీజ్ అవ్వడంతో ఆడియ‌న్స్ కి మ‌రింత రీచ్ అయింది. ఇందులో అమ్మ‌డి పాత్ర పెద్ద‌గా లేన‌ప్ప‌టికీ హీరోయిన్ అనే ఐడెంటిటీ ఆమెను పాపుల‌ర్ చేసింది. 'కేజీఎఫ్' ప్రాంచైజీ స‌క్సెస్ అవ్వ‌డంలో శ్రీనిధి సెంటిమెంట్ గా మారిపోయింది. వాస్త‌వానికి చాప్ట‌ర్ -2 కోసం కొత్త హీరోయిన్ తీసుకోవాల‌ని భావించారు.

కానీ ప్ర‌శాంత్ నీల్ చాప్ట‌ర్ -1 స‌క్సెస్ నేప‌థ్యంలో అదే సెంటిమెంట్ ని పున‌రావృతం చేయాల‌ని శ్రీనిధి నే య‌ధావిధిగా కొన‌సాగించారు. ఇప్పుడు అమ్మ‌డు మ‌రింత ఫేమ‌స్ అవుతుంది. ఈ నేప‌థ్యంలో శ్రీనిధి టాలీవుడ్ లో గ్రాండ్ గా లాంచ్ అవ్వాల‌ని ప్లాన్ చేస్తోందిట‌.

అగ్ర హీరో సినిమా కోసం వెయిట్ చేస్తున్న‌ట్లు స‌మాచారం. వాస్త‌వానికి మొద‌టి భాగం హిట్ అయిన‌ప్పుడే ఆఫ‌ర్లు బాగానే వ‌చ్చాయి. మీడియం రేంజ్ హీరోలు ఆఫ‌ర్ చేసారు. కానీ అప్పుడు వాటిని లైట్ తీసుకుంది.

ఇప్పుడు కూడా అదే హీరోలు ఆహ్వానిస్తున్నారుట‌. కేజీఎఫ్ ఇమేజ్ ని ఎన్ క్యాష్ చేసుకోవాల‌ని స‌ద‌రు హీరోలు ప్లాన్ లో భాగంగా ఆఫ‌ర్ చేస్తున్న‌ట్లు తెలుస్తోంది. కానీ శ్రీనిధి మాత్రం స్టార్ హీరోతో లాంచ్ అవ్వాల‌ని ప్లాన్ చేస్తోందిట‌. ప్ర‌స్తుతం కోలీవుడ్ లో విక్ర‌మ్ ఃహీరోగా న‌టిస్తోన్న 'కోబ్రా'లో న‌టిస్తోంది. కోలీవుడ్ లో ఇది మంచి సినిమా అవుతుంద‌ని అంచ‌నాలున్నాయి.

అలాంటి మూవీ టాలీవుడ్ లో కూడా ఒక‌టి ప‌డితే తిరుగుండ‌ద‌ని అందుకోస‌మే వ‌స్తోన్న చిన్న అవ‌కాశాల్ని పెండింగ్ లో పెట్టి ..స్టార్స్ కోసం వెయిట్ చేస్తున్న‌ట్లు తెలుస్తోంది. మ‌రి అమ్మ‌డి టైమ్ ఎలా ఉందో.

మీడియం రేంజ్ హీరోల నుంచి స్టార్ హీరోల వ‌ర‌కూ చేరుకున్న భామ‌గా ర‌ష్మిక మంద‌న్న‌ని చెప్పొచ్చు.'ఛ‌లో' అనే సినిమాతో ఎంట్రీ ఇచ్చిన ర‌ష్మిక అటుపై బ్యాక్ టూ బ్యాక్ అవ‌కాశాలు అందుకుంది. మ‌రి ఇలాంటి ఆలోచ‌న శ్రీనిధిలో క‌నిపించ‌లేదు.