టీజ‌ర్ తో బొమ్మ చూపించి మాయ చేస్తున్నారు

చిన్న హింట్ ఇస్తే అల్లుకుపోతున్న రోజులివి.. పోస్ట‌ర్ క‌నిపించే చాలు మ‌న వాళ్లు క‌థ‌లు చెప్పేస్తుంటారు. అలాంటి ప్రేక్ష‌కుల‌కే మ‌న మేక‌ర్స్ టీజ‌ర్ లోనే బొమ్మ చూపించి మాయ చేస్తుండ‌టం ఆస‌క్తిని రేకెత్తిస్తోంది. కేవ‌లం టీజ‌ర్ ని రిలీజ్ చేసే సినిమాపై క్రేజ్ ని క్రియేట్ చేస్తున్నారు.

భారీ బ‌డ్జెట్‌.. నెవ‌ర్ బిఫోర్ మేకింగ్ వ్యాల్యూస్ తో మ‌న మేక‌ర్స్ నిర్మిస్తున్న చిత్రాలు ఇప్పుడు హాట్ టాపిక్ గా మారుతున్నాయి. కేవ‌లం టీజ‌ర్ తో భారీ హైప్ ని సొంతం చేసుకున్న క్రేజీ చిత్రాలు చాలానే వున్నాయి. ఇవ‌న్నీ త్వ‌ర‌లో విడుద‌ల‌కు సిద్ధం కాబోతున్నాయి. అవేంటో మీరే చ‌దివేయండి..

ఇందులో ముందు వ‌రుస‌లో నిలిచిన చిత్రం క‌న్న‌డ రాకింగ్ స్టార్ య‌ష్ న‌టించిన `కేజీఎఫ్ చాప్ట‌ర్ 2`. ప్ర‌శాంత్ నీల్ డైరెక్ట్ చేసిన ఈ మూవీపై అంచ‌నాలు భారీగానే వున్నాయి. ట్రిపుల్ ఆర్ త‌రువాత భార‌తీయ సినీ ప్రేక్ష‌కులు అత్యంత ఆస‌క్తిగా ఎదురుచూస్తున్న చిత్ర‌మిది.

పీరియ‌డిక్ డ్రామాగా తెర‌కెక్కిన ఈ మూవీ టీజ‌ర్ ని గ‌త ఏడాది య‌ష్ పుట్టిన రోజు సంద‌ర్భంగా రిలీజ్ చేశారు. ఫ‌స్ట్ పార్ట్ పై వున్న క్రేజ్ కార‌ణంగా కేవ‌లం టీజ‌ర్ తో ఈ మూవీ సంచ‌ల‌నాలు సృష్టించ‌డం మొద‌లుపెట్టింది. ఏప్రిల్ 14న విడుద‌ల‌కు సిద్ధ‌మ‌వుతున్న ఈమూవీ ప్ర‌మోష‌న్స్ ని ఇటీవ‌ల విడుద‌ల చేసిన `తూఫాన్.. లిరిక‌ల్ వీడియోతో ప్రారంభించారు.

ఇక ఈ మూవీ త‌రువాత ఆ స్థాయి క్రేజ్ ని సొంతం చేసుకున్న మూవీ `స‌ర్కారు వారి పాట‌`. సూప‌ర్ స్టార్ మ‌హేష్ బాబు న‌టిస్తున్నారు. కీర్తి సురేష్ హీరోయిన్ . మైత్రీ మూవీ మేక‌ర్స్‌, 14 ప్ల‌స్ రీల్స్‌, జీఎంబీ ఎంట‌ర్ టైన్ మెంట్స్ సంయుక్తంగా ఈ మూవీని నిర్మిస్తున్నాయి. ప‌ర‌శురామ్ డైరెక్ట్ చేస్తున్న ఈ మూవీ టీజ‌ర్ ని మ‌హేష్ బాబు బ‌ర్త్ డే బ్లాస్ట్ అంటూ విడుద‌ల చేశారు. త‌మ‌న్ సంగీతం, మ‌హేష్ మెరుపులు.. కీర్తి సురేష్ పంచ్ లు వెర‌సి టీజ‌ర్ భీభ‌త్సంగా హైప్ ని క్రియేట్ చేసింది. మే 12న ఈ మూవీని సోలోగా రిలీజ్ చేస్తున్నారు.

ఇదే ఫార్మాల‌తో షూటింగ్ స్టార్ట్ చేయ‌కుండానే నేచుర‌ల్ స్టార్ నాని టీజ‌ర్ తో `ద‌స‌రా` చూపించేశాడు. కొత్త ద‌ర్శ‌కుడు శ్రీ‌కాంత్ ఓదెల తెర‌కెక్కిస్తున్న ఈమూవీలో హీరో నాని `పుష్ప‌` త‌ర‌హాలో ర‌గ్గ్‌డ్ లుక్ లో క‌నిపిస్తున్నారు. ప‌క్కా తెలంగాణ స్లాంగ్ లో నాని పాత్ర సాగ‌బోతోంది. కీర్తి సురేష్ హీరోయిన్ గా న‌టిస్తున్న ఈ మూవీని గోదావ‌రిఖ‌ని లోని కోల్ మైన్స్ నేప‌థ్యంలో రూపొందిస్తున్నారు. ఇటీవ‌ల విడుద‌ల చేసిన టీజ‌ర్ బొమ్మ అదిరిపోద్ది అనే హింట్ ఇచ్చేశారు. దీంతో టీజ‌ర్ ఖ‌ణాల్లోనే మ‌రింత వైర‌ల్ గా మారింది.

`మాస్ట‌ర్‌` బ్లాక్ బ‌స్ట‌ర్ హిట్ కావ‌డంతో మాంచి జోష్ లో వున్నారు త‌మిళ హీరో విజ‌య్‌. ఈ మూవీ త‌రువాత ఆయ‌న చేస్తున్న చిత్రం `బీస్ట్‌`. యాక్ష‌న్ డ్రామాగా రూపొందిన ఈ చిత్ర టీజ‌ర్ ఎక్స్ పెక్టేష‌న్స్ ని పీక్స్ కి తీసుకెళ్లింది. నెల్స‌న్ దిలీప్ కుమార్ డైరెక్ట్ చేస్తున్న ఈ మూవీని స‌న్ పిక్చ‌ర్స్ బ్యాన‌ర్ పై క‌ళానిధి మార‌న్ నిర్మించారు. ఏప్రిల్ 13న రాఖీ భాయ్ `కేజీఎఫ్ చాప్ట‌ర్ 2` రిలీజ్ కి స‌రిగ్గా ఒక్క రోజు విడుద‌ల‌వుతున్న ఈ మూవీపై కూడా భారీ అంచ‌నాలు ఏర్ప‌డ్డాయి. ఈ మూవీని తెలుగులోనూ రిలీజ్ చేయ‌బోతున్నారు.

ఇందు కోసం డ‌బ్బింగ్ రైట్స్ ప‌రంగా ఈ మూవీ రికార్డు సృష్టించింది. ఇటీవ‌ల రిలీజ్ చేసిన `అర‌బ్బిక్ కూతు` లిరిక‌ల్ వీడియోతో మ‌రింత క్రేజ్ పెరిగిపోయింది. తెలుగులోనూ ఈ మూవీ సంచ‌ల‌నాలు సృష్టించ‌డం కాయం అంటున్నారు.