`ర‌క్తంతో త‌డిసిన నేల‌..`.. తార‌క్ తో కేజీఎఫ్ దర్శ‌కుడి కాన్సెప్ట్ లీక్

కేజీఎఫ్ ఫేమ్ ప్రశాంత్ నీల్ దర్శకత్వంలో ఎన్టీఆర్ ఓ భారీ పాన్ ఇండియా చిత్రానికి స‌న్నాహ‌కాల్లో ఉన్న సంగ‌తి తెలిసిందే. క‌ళ్యాణ్ రామ్ ఎన్టీఆర్ ఆర్ట్స్ తో క‌లిసి మైత్రి మూవీ మేక‌ర్స్ సంస్థ NTR31 చిత్నాన్ని నిర్మించ‌నుంది. ఈ ప్రాజెక్ట్ ను నేడు అధికారికంగా ప్ర‌క‌టించారు. ఈ ప్ర‌క‌ట‌న‌తో తార‌క్ అభిమానుల్లో కొత్త ఉత్సాహం వెల్లివిరిసింది. ఆర్.ఆర్.ఆర్ త‌ర్వాత మ‌రో భారీ పాన్ ఇండియా చిత్రానికి ఇక లైన్ క్లియ‌ర్ అయిన‌ట్టేన‌నేది తార‌క్ అభిమానులు ఎగ్జ‌యిట్ అవుతున్నారు.

తార‌క్ తో ప్ర‌శాంత్ నీల్ అత్యంత స‌న్నిహితంగా ఉన్న ఓ ఫోటోని షేర్ చేసి... దానికి ఆస‌క్తిక‌ర క్యాప్ష‌న్ ని ఇచ్చారు. ``రక్తంతో త‌డిసి ముద్ద‌యినది మాత్ర‌మే గుర్తుంచుకోవలసిన విలువైన నేల !!`` అంటూ కాస్త గంభీర‌మైన క్యాప్ష‌న్ ని ఇవ్వ‌డంతో తార‌క్ తో భారీ యాక్ష‌న్ ఎంట‌ర్ టైన‌ర్ ని ప్లాన్ చేస్తున్నార‌ని అర్థ‌మ‌వుతోంది.

ప్ర‌శాంత్ ఈ నోట్ లో తార‌క్ కి పుట్టిన‌రోజు శుభాకాంక్ష‌లు తెలిపారు. ``వ‌న్ అండ్ ఓన్లీ ఫోర్స్ ఎన్టీఆర్ తో సినిమా చేయ‌డానికి వేచి ఉండ‌లేను. మీకు సుర‌క్షిత‌మైన‌ పుట్టిన‌రోజు శుభాకాంక్ష‌లు సోద‌రుడా. విజయవంతమైన సహకారం కావాల‌ని కోరుకుంటున్నాను`` అని ఆస‌క్తిక‌ర‌ వ్యాఖ్య‌ను జోడించారు. ఈ పోస్ట్ తార‌క్ అభిమానులను ఎగ్జ‌యిట్ చేసింది. ప్ర‌భాస్ తో స‌లార్ పూర్తి కాగానే ఎన్టీఆర్- 31 కోసం ప్ర‌శాంత్ రెడీ అవుతార‌ని దీనిని బ‌ట్టి అర్థం చేసుకోవ‌చ్చు. తార‌క్ ప్ర‌స్తుతం కొర‌టాల‌తో సినిమాని పూర్తి చేయ‌నున్నాడు.