రాకీ భాయ్ కి సలాం అంటున్న యూట్యూబ్!

'కేజీఎఫ్' సాధించిన విజయం అసాధారణమైనది. కన్నడ ఫిలిం ఇండస్ట్రీ నుండి ఈ స్కేల్ లో.. యూనివర్సల్ అప్పీల్ ఉండే సినిమా రావడం ఇతరభాషల ప్రేక్షకులందరినీ సర్ప్రైజ్ చేసింది. కన్నడతో పాటుగా తెలుగు.. హిందీ.. తమిళ భాషలలో రిలీజ్ అయిన ఈ సినిమా అందరినీ ఆకట్టుకుంది. కొందరు యావరేజ్ అని తీసి పారేసినా వారి కామెంట్లతో సంబంధం లేకుండా సినిమా భారీ కలెక్షన్స్ నమోదు చేసిన బ్లాక్ బస్టర్ గా నిలిచింది.

విడుదల సమయంలో ఇతర భాషలలో పోటీ భారీగా ఉన్నప్పటికీ ఆ సినిమాలన్నీ ఫ్లాప్ కావడం 'కేజీఎఫ్' కు మరింతగా కలిసి వచ్చింది. సంక్రాంతి సీజన్ వరకూ 'కేజీఎఫ్' హంగామా తగ్గేలా లేదు. ఇదిలా ఉంటే ఈ సినిమా నుండి 'సలాం రాకీ భాయ్' వీడియో సాంగ్ ను తాజాగా యూట్యూబ్ లో విడుదల చేశారు. ఇప్పటికే సినిమా సూపర్ హిట్ అయింది కదా.. ఆ ఎఫెక్ట్ అంతా పాట వ్యూస్ లో కనిపించింది. యష్ రగ్డ్ లుక్స్.. క్యాచీ ట్యూన్.. డార్క్ కలర్ థీమ్ తో కన్న్పించే విజువల్స్ ఉండడంతో పాటకు భారీగా స్పందన దక్కుతోంది.

పాట విడుదల చేసి ఒక్కరోజు కూడా కాక ముందే హాఫ్ మిలియన్ వ్యూస్.. యాభై వేల లైక్స్ వచ్చాయి. ఇది జస్ట్ తెలుగు సాంగ్ కు వచ్చిన వ్యూస్. ఇక కన్నడ.. తమిళ.. హిందీ వెర్షన్ పాటల వ్యూస్ వేరే. ఈ లెక్కన రాకీ భాయ్ హంగామా యూట్యూబ్ లో కూడా మొదలైపోయిందన్నమాట. 'కేజీఫ్' కలెక్షన్స్ విషయానికి వస్తే ఇప్పటికే ప్రపంచవ్యాప్తంగా రూ. 200 కోట్ల మార్క్ ను దాటింది.