బాహుబలి ని కలిసిన రాకీ భాయ్

'బాహుబలి' తో దేశవ్యాప్తంగా క్రేజ్ సాధించిన ప్రభాస్ ముంబై లో ఎప్పుడో కానీ కనిపించడు. 'బాహుబలి' ప్రమోషన్స్ తర్వాత మధ్యలో ఒకసారి కరణ్ జోహార్ ఇచ్చిన పార్టీలో ఒకసారి కనిపించాడు. ఈమధ్య తన తాజా చిత్రం షూటింగ్ కోసం ఇండియాలోకంటే ఎక్కువగా విదేశాలలో ఉంటున్నాడు. తాజాగా ముంబైలో దర్శనమిచ్చాడు 'బాహుబలి' స్టార్.

ఏ కారణంతో ముంబై వెళ్ళాడో తెలియదుగానీ అక్కడ కాఫీ విత్ కరణ్ షో లో పాల్గొంటాడని మాత్రం ఇన్ ఫర్మేషన్ బయటకు వచ్చింది. ఈ ట్రిప్ లోనే కన్నడ స్టార్ హీరో 'కే.జీ.ఎఫ్' తో అన్ని భాషలకూ ఒక సారి ఎంట్రీ ఇస్తున్న యష్ ను కలిశాడు. కే.జీ.ఎఫ్' హిందీ వెర్షన్ ప్రమోషన్స్ కోసం ముంబై లో ఉన్న యష్ ప్రభాస్ ను డిన్నర్ కు ఆహ్వానించాడట. యష్ కోరికను మన్నించి డిన్నర్ కు హాజరయ్యాడు. ఈ సందర్భంగా ఇద్దరూ కలిసి మీడియాకు పోజిచ్చారు.

ఒకరేమో 'బాహుబలి' తో సంచలనం సృష్టించిన స్టార్..మరొకరు 'కే.జీ.ఎఫ్' తో సంచలనం సృష్టించేందుకు రెడీ అవుతున్న స్టార్. ఇప్పటికే ఈ ఫోటోలు వీడియోలు సోషల్ మీడియాలో వైరల్ అయ్యాయి. ఇదంతా చూస్తుంటే ఫ్యూచర్ లో సౌత్ స్టార్ల క్రేజ్ హిందీ స్టార్లకంటే కూడా ఎక్కువయ్యేలా ఉంది. ప్రభాస్ తో జస్ట్ ఈ ట్రెండ్ మొదలైనట్టుంది.