నెట్టింట వైరల్ అవుతున్న 'కేజీఎఫ్ టైమ్స్'.. ఇంతకీ హీరోనా.. విలనా..??

ఇండియన్ సినీ చరిత్రలో కేజీఎఫ్ మూవీ సృష్టించిన సంచలనం మామూలుది కాదు. ఈ ఒక్క సినిమాతో కన్నడ హీరో యష్.. కాస్తా పాన్ ఇండియన్ స్టార్ అయిపోయాడు. ఈ సినిమాతో కోలార్ గోల్డ్ ఫీల్డ్ అంటే ఎలా ఉంటుందో సినీ ప్రేక్షకులకు పరిచయం చేసేసాడు. కేజీఎఫ్ లో యష్ విశ్వరూపం చూపించేశారు మేకర్స్. 2018 డిసెంబర్ నెలలో విడుదలైన కేజీఎఫ్ చాఫ్టర్ 1 సినిమా.. ప్రశాంత్ నీల్ డైరెక్షన్ లో రూపొంది రికార్డు విజయం అందుకుంది. అంతే గాక విడుదలైన అన్నీ బాషలలో ఈ సినిమా బ్లాక్ బస్టర్ గా నిలవడం విశేషం అనే చెప్పాలి. సుమారు 250 కోట్లు పైచిలుకు కలెక్షన్ రాబట్టిన కన్నడ ఫస్ట్ సినిమాగా కేజీఎఫ్ రికార్డులు బ్రేక్ చేసింది. అయితే కేజీఎఫ్ సినిమాకు సీక్వెల్ కేజీఎఫ్ చాప్టర్ 2 తెరకెక్కుతున్న సంగతి తెలిసిందే. దాదాపు రెండు సంవత్సరాలుగా కేజీఎఫ్ చాప్టర్ 2 కోసం సినీ అభిమానులు ఎంతో ఓపికగా ఎదురుచూస్తున్నారు.

అయితే పోస్టర్స్, న్యూ లుక్స్ అంటూ ఎప్పటికప్పుడు ఫ్యాన్స్ కి సర్ప్రైజ్ ఇస్తున్న కేజీఎఫ్ టీమ్ ఇటీవల ఫస్ట్ గ్లింప్స్ రిలీజ్ చేసింది. ఇక తాజాగా కేజీఎఫ్ సినిమా నుండి టీజర్ జనవరి 8న విడుదల కాబోతుందని హోంబలే ఫిలిమ్స్ ట్విట్టర్ వేదికగా ప్రకటించింది. ఇటీవలే హోంబలే ఫిలిమ్స్ ఒక వార్త పత్రికను విడుదల చేసింది. కేజీఎఫ్ టైమ్స్ అంటూ పత్రిక పేరుండగా.. అందులో అందరికి ఆసక్తి కలిగించే విధంగా కేజీఎఫ్ హీరో గురించి ఆర్టికల్స్ ఉన్నాయి. మనం చూడవచ్చు అందులో.. హీరోనా? విలనా? అనే టైటిల్ తో రాకీకి సంబంధించిన అన్ని విషయాలను ప్రింట్ చేశారు. అంటే గరుడను రాకీ చంపిన తెల్లారి ప్రింట్ అయిన పేపర్ ఇదే కావచ్చు అనిపిస్తుంది. అందులో మంచి చేసేవాడు హీరో, చెడు చేసేవాడు విలన్ అయితే రెండూ చేసేవాడు.. హీరో నా? లేక విలనా? అనేది ఇంటరెస్ట్ కలిగిస్తుంది. ఇక అందులో రాకీ పుట్టిన టైం నుండి గరుడను చంపిన టైం వరకు అన్ని ఇన్సిడెంట్స్ మెన్షన్ చేశారు. తల్లి మాటలు కూడా పేపర్ లో అచ్చేసి ఆశ్చర్యానికి గురిచేశారు. ఇక జనవరి 8న ఉదయం 10.18 గంటలకు కేజీఎఫ్ టీజర్ విడుదల చేయనున్నట్లు ప్రకటించారు మేకర్స్. ప్రస్తుతం ఈ పిక్ నెట్టింట తెగ వైరల్ అవుతోంది.