ఖైదీ సెన్సేషన్స్ స్టార్ట్ అయ్యాయ్!!

మెగాస్టార్ చిరంజీవి మూవీ ఖైదీ నంబర్ 150కి ఇంకా ప్రీ రిలీజ్ ఫంక్షన్ చేయలేదు.. మరోవైపు థియేట్రికల్ ట్రైలర్ కూడా ఇవ్వలేదు.. అయినా సరే అప్పుడే ఖైదీ సంచలనాలు మొదలైపోయాయి. తెలుగు రాష్ట్రాలతో పాటు బెంగళూరు లాంటి ఏరియాల్లో కూడా అడ్వాన్స్ బుకింగ్స్ ప్రారంభించేశారు.

ఇక్కడి కలెక్షన్స్ పై చాలానే అంచనాలు ఉన్నాయ్ కానీ.. ఖైదీ బుధవారం నాడు రిలీజ్ అవుతుండడంతో.. ఓవర్సీస్ కలెక్షన్స్ పై సందిగ్ధం నెలకొంది. మిగిలిన ఏరియాల కంటే ముందుగా ఆస్ట్రేలియాలోని సిడ్నీలో బుకింగ్స్ ఓపెన్ చేయగా.. సిడ్నీలో తొలి రోజు 8షోలు ఫిక్స్ చేశారు. 32.95 డాలర్ల టికెట్ నిర్ణయిస్తే.. 100 పర్సెంట్ ఫుల్స్ తో 23.5వేల డాలర్లను రాబట్టి సెన్సేషన్ సృష్టిందించి మెగా మూవీ. ఖైదీ నంబర్ 150కి తెలుగు రాష్ట్రాల్లోనే కాకుండా.. దేశంలోని చాలా ప్రదేశాల్లో ముందు మిడ్ నైట్ నుంచే షోస్ ప్లాన్ చేశారు

అహ్మదాబాద్ లో 10వ తేదీ రాత్రి 11గం.లకు మొదటి షో పడబోతోంది. ఇండియాలో ఇక్కడే మొదటి షో పడనుందని అంటున్నారు. హుబ్లీలో రిలీజ్ రోజు తెల్లవారుజామున 2గంటలకు ప్రీమియర్ పడనుండగా.. ఇప్పటికే అన్నీ ఫుల్స్ అయిపోతుండడం విశేషం. మరోవైపు రేపు జరగనున్న ఖైదీ నంబర్ 150 ప్రీ రిలీజ్ ఫంక్షన్ లో మెగా హీరోలంతా ఒకే స్టేజ్ పై కనిపించనుండడంతో.. ఫ్యాన్స్ ఇప్పటికే తెగ సంబరాల్లో ఉన్నారు.

Like Us on Facebook : https://www.facebook.com/Tupakidotcom/