ఖైదీ ఆల్బం.. కేకలు పెట్టించేసినట్లే

మెగాస్టార్ చిరంజీవి మూవీ ఖైదీ నంబర్ 150కి సంబంధించి ఇప్పటివరకూ 3 పాటలు మార్కెట్లోకి వచ్చాయి. రీసెంట్ గా రిలీజ్ అయిన 'సాయంకాలాన సాగరతీరాన' అంటూ సాగే మెలోడికి అయితే.. విపరీతమైన రెస్పాన్స్ వస్తోంది. మ్యూజిక్ లవర్స్ అందరూ మళ్లీ మళ్లీ ప్లే చేసుకుని వింటూ.. హరిహరన్-శ్రేయా ఘోషల్ ల గొంతుల్లోను మృదువైన మాధుర్యాన్ని ఎంజాయ్ చేసేస్తున్నారు.

దీనికి ముందు రెండు పాటలు రిలీజ్ అయ్యాయి. అమ్మడు లెట్స్ డు కుమ్ముడు అయితే.. జస్ట్ 7 మిలియన్ వ్యూస్ ని మరికాసేపట్లోనే అందుకోబోతోంది. ఈ వ్యూస్ చూస్తేనే.. ఈ సాంగ్ ఏ రేంజ్ లో క్లిక్ అయిందో అర్ధమవుతుంది. మరోవైపు సుందరి సాంగ్ ఇప్పటికే 3.5 మిలియన్స్ లెక్క దాటిపోయింది. ప్రస్తుతం కేసెట్లు-సీడీల్లాంటి వాటికి కాలం చెల్లిపోయింది కాబట్టి.. ఓసాంగ్ హిట్ ఫ్లాప్ తేల్చడానికి యూట్యూబ్ వ్యూస్ ఒక్కటే ఆధారం. ఇప్పుడు యూ అండ్ మీ పాటకు కూడా అద్భుతమైన స్పందన వచ్చింది.

ఇంకా ఖైదీ నంబర్ 150కి సంబంధించి ఐటెం సాంగ్ ను రిలీజ్ చేయాల్సి ఉంది. ఐటెం పాటల విషయంలో దేవిశ్రీ ఎలాంటి మ్యాజిక్ చేస్తాడో ఊహించడం కష్టమేం కాదు. కాబట్టి ఖైదీ నంబర్ 150లో ఉంండే 5 పాటల్లో నాలుగు ఛార్ట్ బస్టర్స్ అనే సంగతి ఖాయం అయింది. ఈ సంక్రాంతికి ఆడియో రూపంలో ఫస్ట్ హిట్ ఖైదీదే అంటున్నారు మెగా ఫ్యాన్స్.

Like Us on Facebook : https://www.facebook.com/Tupakidotcom/