ఖైదీ కొత్త సీన్ కత్తిలా ఉంది

మెగాస్టార్ కం బ్యాక్ మూవీ ఖైదీ నంబర్ 150.. టాలీవుడ్ లెక్కల్లో చాలా వరకూ సరి చేసేసిన సంగతి తెలిసిందే. ఓవరాల్ గా నాన్-బాహుబలి.. కొన్ని ఏరియాల్లో బాహుబలి రికార్డులను తిరగరాసేశాడు ఖైదీ. ఇప్పటికే సినిమాలోని ప్రతీ సీన్ ని ఆడియన్స్ ఫుల్ ప్లెడ్జెడ్ గా ఎంజాయ్ చేసేశారు.

ఇప్పుడు మెగా 150 మూవీలోంచి ఎడిటింగ్ టేబుల్ పై కత్తెర వేసిన సీన్లలో ఒకదాన్ని ఆన్ లైన్ లో రిలీజ్ చేశారు. చిరంజీవి- కాజల్ మధ్య వచ్చే ఈ సన్నివేశం.. వృద్ధాశ్రమంలో నడుస్తుంది. కాజల్ తన తాతయ్యకు ఫుడ్ అందిస్తూ.. ఇన్హెలర్ ఇస్తుంటే.. పక్కనుంచి ఓ పిల్లర్ వారగా నుంచుని చిరు సైట్ కొడుతూ ఉంటారు. కాజల్ ను ఓరకంటితో చూస్తూ.. తెగ సిగ్గుపడిపోతున్న మెగాస్టార్.. మళ్లీ ఆభామ తిరిగి చూడగానే గుండె చిక్కబట్టుకుని పక్కకు తప్పుకుంటున్న సీన్ అదిరిపోయిందంతే.

సిగ్గు పడ్డంలో చిరంజీవిని మించి చేయగలిగే యాక్టర్ మరొకరు ఉండరని అనిపించడంలో ఆశ్చర్యమేమీ లేదు. ఆ రేంజ్ లో ఈ సీన్ లోని ప్రతీ ఫ్రేమ్ ని మెరిపించారు మెగాస్టార్. ఇక డిలెటెడ్ సీన్1 అంటూ అప్ లోడ్ చేశారంటే.. ఇంకా చాలా సీన్లలో త్వరలో రిలీజ్ చేసే అవకాశాలు ఉన్నాయనే విషయం అర్ధం చేసుకోవచ్చు. మెగాస్టార్ చూపిస్తున్న 150పండుగ ఇంకా పూర్తి కాలేదన్న మాట.



Like Us on Facebook : https://www.facebook.com/Tupakidotcom/