ఖైదీ నెం 150.. జనవరి 4న రచ్చే!!

మెగాస్టార్ చిరంజీవి క‌థానాయ‌కుడిగా న‌టిస్తున్న 'ఖైదీనంబ‌ర్ 150' సంక్రాంతి కానుక‌గా రిలీజ‌వుతున్న సంగ‌తి తెలిసిందే. ఇప్ప‌టికే టీజ‌ర్లు, మేకింగ్ వీడియో స‌హా 'అమ్మ‌డు లెట్స్ డు కుమ్ముడు' ఆడియో సాంగ్‌ కి ప్రేక్ష‌కాభిమానుల నుంచి అద్భుత స్పంద‌న వ‌చ్చింది. మెగాస్టార్ అభిమానులు ఎప్పుడెప్పుడా? అని ఆస‌క్తిగా ఎదురు చూస్తున్న త‌రుణం రానే వ‌చ్చింది.

అయితే ఈ సినిమా ఆడియో ఫంక్షన్ క్యాన్సిల్ అయ్యింది అనగానే మెగా ఫ్యాన్స్ అందరూ హర్టయిపోయారు. అసులు ఎటువంటి ఫంక్షన్ లేకుండా ఈ సినిమా ఆడియోను లాంచ్ చేస్తుండటంతో.. అందరికీ అయ్యో అంటూ ఒక బాధ మిగిలిపోయింది. కాని అన్నింటినీ పటాపంచలు చేస్తూ.. ఇప్పుడు ఖైదీ నెం 150 ప్రీ రిలీజ్ ఫంక్షన్ కోసం కొత్త డేట్ ను ప్రకటించేశారు. జనవరి 4న.. నూతన సంవత్సరంలో.. విజయవాడలో ఈ సినిమా ప్రి-రిలీజ్ ఈవెంట్ చేయనున్నట్లు రామ్ చరణ్‌ ఈరోజు ఎనౌన్స్ చేశాడు.

గతంలో మునిసిపల్ స్టేడియం లో రిలీజ్ చేయడానికి ఏదో లీగల్ అడ్డంకి ఉండటం వలన ఫంక్షన్ క్యాన్సిల్ అయ్యింది అంటూ రూమర్లు వినిపించాయి. మరి ఇప్పుడు అదే వెన్యూలో ఫంక్షన్ ఉండోబతుందా లేదా వేరే వెన్యూలో రచ్చ చేస్తారా అనే విషయం చూడాలి.


Like Us on Facebook : https://www.facebook.com/Tupakidotcom/