ఫస్ట్ లుక్: చిరు 150 మోషన్ పోస్టర్

ఈరోజు మెగాస్టార్ చిరంజీవి 61వ పుట్టినరోజు పురస్కరించుకుని.. ఆయన కొత్త సినిమా.. రీఎంట్రీ సినిమా.. 150వ సినిమా ఫస్ట్ లుక్ మోషన్ పోస్టర్ ను విడుదల చేశారు.

ఈ పోస్టర్లో కేవలం చిరంజీవిని వెనుకనుండే చూపించినప్పటికీ.. ''ఖైదీ నెం 150'' అనే టైటిల్ లుక్ అదిరిపోయింది. అంతేకాదు.. ఈ టీజర్ కు దేవిశ్రీ ప్రసాద్ అందించిన బ్యాగ్రౌండ్ స్కోర్ కత్తిలా ఉందంతే. ''ఖైదీ నెం వన ఫైవ్ జీరో.. అరె వచ్చేశాడు మనకోసం మన ఎవర్ గ్రీన్ హీరో'' అంటూ ''బాస్ ఈజ్ బ్యాక్'' అనే థీమ్ సాంగ్ కంపోజ్ చేసిచ్చాడు దేవిశ్రీ. మొత్తంగా ఈ లుక్ అదిరిపోయిందంతే. అలాగే రామ్ చరణ్‌ స్థాపించిన కొణిదెల ప్రొడక్షన్స్ వారి లోగో డిజైన్ కూడా అదిరిపోయింది.

కాకపోతే ఎక్కడా కూడా చిరంజీవి ఫేస్ అస్సలు చూపించలేదనే చిన్న వెలితి మాత్రం మెగా ఫ్యాన్స్ కు ఎక్కడో తెలియని చిన్న బాధను కలగజేసిందని టాక్. అయితే ఈ మొత్తం టీజర్ తాలూకు హైప్ మాత్రం మామూలుగా లేదులే.