వైజాగ్‌ లో అఖిల్ సెలబ్రేషన్స్

అక్కినేని అఖిల్ హీరోగా లాంఛ్ అవుతున్న అఖిల్ కోసం.. అమ్ముల పొదిలోంచి ఒక్కో అస్త్రాన్ని బైటకు తీస్తున్నారు మేకర్స్. పబ్లిసిటీలో కనిపించడం లేదు.. స్లో అయ్యాడా ఏంటి అనుకుంటున్న సమయంలో.. ఒక్కసారిగా విరుచుకుపడిపోతున్నాడు అఖిల్.

బ్రహ్మీని అఖిల్ ఇంటర్వ్యూ చేస్తూ తీసిన మేకింగ్ వీడియో.. ఇప్పటికే సూపర్బ్ గా ఉంది. దీన్ని రిలీజ్ చేసి 24 గంటలు గడవకుండానే ఇప్పుడు.. మరో ఈవెంట్ ని అనౌన్స్ చేశారు. ఈ శనివారం అంటే అక్టోబర్ 17న సాయంత్రం ఆరింటి నుంచి వైజాగ్ లో ఆడియో ప్లాటినం డిస్క్ సెలబ్రేషన్స్ చేయబోతున్నారు. దీనికి సంబంధించిన పోస్టర్స్ ని రిలీజ్ చేశాడు నిర్మాత నితిన్.

ఈసారి అఖిల్ పోస్టర్ లో స్పెషాలిటీ అక్కినేని వారసుడి స్టైలింగ్. యెల్లో కలర్ జాకెట్, బ్లాక్ గ్లాసెస్ ధరించి.. రెండు చేతులు తల వెనక్కి పెట్టి... కొంచె వెనక్కు వాలుతూ.. అఖిల్ ఇచ్చిన ఫోజ్ భలే క్యాచీగా ఉంది. డ్రస్ సెన్స్ ఇరగదీసేశాడని అర్ధమవుతోంది. మొత్తానికి ఆడియో ఫంక్షన్ హైద్రాబాద్ లో ఇండోర్ స్టేడియంలో నిర్వహించి ఔరా అనిపించిన అఖిల్.. ఇప్పుడు ప్లాటినం డిస్క్ సెలబ్రేషన్స్ కోసం మకాం వైజాగ్ కి మార్చుతున్నాడు.

ఓ వారం సైలెంట్ అయినట్లుగా కనిపించినా.. అదంతా ప్లాన్డ్ గానే అని.. ఇప్పటి ప్రచార హోరు చూస్తుంటే అర్ధమవుతోంది. రిలీజ్ కి ఇంకా వారం పైగానే ఉంది. ఈలోగా ఇంకెన్ని అద్భుతాలను చూపిస్తాడో అఖిల్.. ది పవర్ ఆఫ్ జువా.