దుబాయ్ చుట్టేసేందుకు సిద్ధ‌మైన‌ ‘ఖిలాడీ’!

క‌రోనా సెకండ్ వేవ్ సినీ ప‌రిశ్ర‌మ‌ను ఎంత‌గా దెబ్బ తీసిందో చెప్పాల్సిన ప‌నిలేదు. వ‌రుస‌గా రెండు స‌మ్మ‌ర్ సీజ‌న్ల‌ను మింగేసిన మ‌హ‌మ్మారి.. కోట్లాది రూపాయ‌ల న‌ష్టాన్ని మిగిల్చింది. ఈ న‌ష్టాన్ని మౌనంగా భ‌రించ‌డం మిన‌హా ఏమీ చేయ‌లేని ప‌రిస్థితి. అయితే.. ఇప్పుడిప్పుడే కొవిడ్ శాంతిస్తున్న నేప‌థ్యంలో మ‌ళ్లీ షూటింగుల‌కు సిద్ధ‌మ‌వుతోంది టాలీవుడ్‌.

ఈ స‌మ్మ‌ర్లో వ‌కీల్ సాబ్ చిత్రం త‌ర్వాత రావాల్సిన సినిమాల‌న్నీ వాయిదా ప‌డిపోయిన సంగ‌తి తెలిసిందే. అందులో మాస్ రాజా రవితేజ ‘ఖిలాడి’ చిత్రం కూడా ఉంది. ర‌మేష్ వ‌ర్మ డైరెక‌ష‌న్లో తెరకెక్కుతున్న ఈ చిత్రం షెడ్యూల్ ప్ర‌కారం మే 29న రిలీజ్ కావాల్సి ఉంది. కానీ.. థియేటర్లు మూతపడడంతో పాటు ప్యాచ్ వర్క్ బ్యాలెన్స్ ఉండడంతో సినిమా విడుదల ఆగిపోయింది.

లేటెస్ట్ అప్డేట్ ఏమంటే.. క‌రోనా కార‌ణంగా ఆగిపోయిన ప్యాచ్ వ‌ర్క్ షూట్ ను రెజ్యూమ్ చేసేందుకు యూనిట్ సిద్ధ‌మైంది. ఇప్ప‌టికే 90 శాతానికిపైగా షూట్ కంప్లీట్ అయ్యింది. మిగిలిన భాగాన్ని తెర‌కెక్కించేందుకు ప్లాన్ చేస్తున్నారు మేక‌ర్స్‌.

అందుతున్న స‌మాచారం ప్ర‌కారం.. ఓ చిన్న షెడ్యూల్ ను హైదరాబాద్‌లో ప్లాన్ చేసి, ఆ త‌ర్వాత కీల‌క‌మైన షెడ్యూల్ కోసం దుబాయ్ ను ఎంచుకున్న‌ట్టు తెలుస్తోంది. ఈ చివ‌రి షెడ్యూల్ తో సినిమా కంప్లీట్ అయిపోతుంది. ఆ విధంగా దుబాయ్ లోనే గుమ్మ‌డికాయ కొట్టేయాల‌ని డిసైడ్ అయ్యిందట యూనిట్‌. మీనాక్షి చౌదరి, డింపుల్ హయతి హీరోయిన్లుగా న‌టిస్తున్న ఈ చిత్రానికి రాక్ స్టార్ దేవీశ్రీప్ర‌సాద్ సంగీతం సమ‌కూరుస్తున్నారు. కోనేరు స‌త్య‌నారాయ‌ణ నిర్మిస్తున్నారు.