మాస్ మ‌హారాజా త‌గ్గేదేలే.. మ‌రోసారి క్లారిటీ

మాస్ మ‌హారాజా ర‌వితేజ ఎక్క‌డా త‌గ్గ‌డం లేదుగా.. `క్రాక్‌` బ్లాక్ బ‌స్ట‌ర్ తో ట్రాక్ లోకి వ‌చ్చేసిన ర‌వితేజ బ్యాక్ టు బ్యాక్ సినిమాల‌తో ర‌చ్చ చేస్తుస్తున్నారు. ఇప్ప‌టికే ఆయ‌న చేతిలో ఆర‌డ‌జ‌నుచిత్రాలున్నాయి. భోగి సంద‌ర్భంగా `రావ‌ణాసుర‌` చిత్రాన్ని ప్రారంభించారు కూడా. ఇందులో ప‌ది డిఫ‌రెంట్ లుక్స్ ల‌లో ర‌వితేజ‌స క‌నిపించ‌బోతున్నారు. అంతే కాకుండా ఇందులో ఆయ‌న‌తో ఐదురుగు హీరోయిన్ లు రొమాన్స్ చేస్తున్నారు. భోగిరోజు విడుద‌ల చేసిన ఈ మూవీలోని ర‌వితేజ లుక్ సినిమాపై అంచ‌నాల్ని పెంచేసింది.

ఇదిలా వుంటే ఈ మూవీతో పాటు ర‌వితేజ న‌టించ‌నున్న మ‌రో రెండు చిత్రాలు ప్రారంభం కావాల్సి వుంది. ఇప్ప‌టికే ర‌మేష్ వ‌ర్మ డైరెక్ష‌న్ లో న‌టిస్తున్న `ఖిలాడీ` చిత్రీక‌ర‌ణ పూర్తి చేసుకుని పోస్ట్ ప్రొడ‌క్ష‌న్ కార్య‌క్ర‌మాలు జ‌రుపుకుంటోంది. మీనాక్షీ దీక్షిత్‌, డింపుల్ హయాతీ హీరోయిన్ లుగా న‌టిస్తున్నారు. ర‌వితేజ డ్యుయెల్ రోల్ లో టూ డిఫ‌రెండ్ క్యారెక్ట‌ర్ల‌లో న‌టిస్తున్న ఈ చిత్రంలో యాక్ష‌న్ కింగ్ అర్జున్‌, మ‌ల‌యాళ న‌టుడు ఉన్నిముకుంద‌న్ కీల‌క పాత్ర‌ల్లో న‌టిస్తున్నారు.

గ‌త చిత్రాల‌కు పూర్తి భిన్నంగా రెండు విభిన్న‌మైన పాత్ర‌ల్లో ర‌వితేజ న‌టిస్తున్నారు. ఈ మూవీపై అంచనాలు ఏర్ప‌డ్డాయి. ఇటీవ‌ల రిలీజ్ చేసిన టీజ‌ర్ సినిమాపై అంచ‌నాల్ని పెంచేసింది. ఈ చిత్రాన్ని ఫిబ్ర‌వ‌రి 11న రిలీజ్ చేస్తున్న‌ట్టుగా మేక‌ర్స్ న‌వంబ‌ర్ లోనే ప్ర‌క‌టించారు. అదే విధింగా రిలీజ్ డేట్ పోస్ట‌ర్ ని కూడా విడుద‌ల చేశారు. అయితే తాజా ప‌రిణామాల నేప‌థ్యంలో చాలా వ‌ర‌కు భారీ సినిమాలు వాయిదా ప‌డుతున్న నేప‌థ్యంలో మాస్ రాజా `ఖిలాడీ` కూడా వాయిదా ప‌డుతుంద‌నే వార్త‌లు జోరందుకున్నాయి.

అయితే ఆ వార్త‌ల‌కు మాస్ రాజా చెక్ పెట్టారు. సంక్రాంతి సంద‌ర్భంగా ప్రేక్ష‌కుల‌కు శుభాకాంక్ష‌లు తెలియ‌జేస్తూ మ‌రోసారి రిలీజ్ డేట్ పై క్లారిటీ ఇస్తూ రిలీజ్ డేట్ ని మ‌రో సారి ప్ర‌క‌టించారు. దీంతో ఈ మూవీ రిలీజ్ పై వ‌స్తున్న వార్త‌ల‌కు చెక్ ప‌డింది. ముందు అనుకున్న విధంగానే `ఖిలాడీ` ఫిబ్ర‌వ‌రి 11నే వ‌చ్చేస్తోంది. అల్ట్రా స్టైలిష్ లుక్ లో ఓ ఐర‌న్ రాడ్ ని చేత ప‌ట్టుకుని ర‌వితేజ క‌నిపిస్తున్న స్టిల్ ఆక‌ట్టుకుంటోంది. ఎక్సైటింగ్ గా వుంద‌ని, త్వ‌ర‌లో ప్రేక్ష‌కుల ముందుకు రాబోతున్నామంటూ ఈ సంద‌ర్భంగా మేక‌ర్స్ వెల్ల‌డించి సినిమాపై అంచ‌నాల్ని పెంచేశారు.