మాస్‌ మ‌హారాజా 'ఖిలాడి' టీజ‌ర్‌ అప్డేట్..!

'క్రాక్' వంటి బ్లాక్ బస్టర్ హిట్ తర్వాత మాస్ మ‌హారాజా ర‌వితేజ నటిస్తున్న హై ఓల్టేజ్ యాక్ష‌న్ ఎంట‌ర్‌టైన‌ర్ ''ఖిలాడి''. 'రాక్షసుడు' ఫేమ్ ర‌మేష్ వ‌ర్మ ఈ చిత్రానికి దర్శకత్వం వహిస్తున్నారు. పెన్ స్టూడియోస్‌ జయంతీలాల్‌ గడ సమర్పణలో హవీష్‌ ప్రొడక్షన్స్‌ బ్యానర్‌ పై సత్యనారాయణ కోనేరు ఈ చిత్రాన్ని భారీ బడ్జెట్ తో నిర్మిస్తున్నారు. ర‌వితేజ ద్విపాత్రాభిన‌యం చేస్తున్న ఈ చిత్రంలో మీనాక్షి చౌధ‌రి - డింపుల్ హ‌య‌తి హీరోయిన్లుగా న‌టిస్తున్నారు. ఇప్పటికే విడుదలైన ఫస్ట్ లుక్ - ఫస్ట్ గ్లిమ్స్ మంచి స్పందన తెచ్చుకున్నాయి. ఈ క్రమంలో ఉగాది కానుక‌గా 'ఖిలాడి' టీజర్ ను విడుద‌ల‌ చేయ‌నున్న‌ట్లు అధికారికంగా చిత్ర యూనిట్‌ ప్ర‌క‌టించింది.

'ఖిలాడి' టీజర్ ను ఏప్రిల్‌ 12న ఉద‌యం గం. 10.08 నిమిషాలకు రిలీజ్ చేయనున్నట్లు మేకర్స్ వెల్లడించారు. ఈ సందర్భంగా వదిలిన టీజర్ అనౌన్స్ మెంట్ పోస్టర్ లో రవితేజ సూపర్ స్టైలిష్ గా ఉన్నాడు. కాగా, ద‌ర్శ‌కుడు ర‌మేష్ వ‌ర్మ ఉన్న‌త స్థాయి టెక్నిక‌ల్ విలువ‌ల‌తో 'ఖిలాడి'ని ఆద్యంతం ఉత్కంఠ‌భ‌రితంగా తీర్చిదిద్దుతున్నారని తెలుస్తోంది. ఇటీవ‌ల ఇటలీలో భారీ షెడ్యూల్ పూర్తిచేసుకున్న ఈ చిత్రానికి సౌత్ ఇండ‌స్ట్రీలోని న‌లుగురు టాప్ ఫైట్ మాస్ట‌ర్లు రామ్‌-ల‌క్ష్మ‌ణ్ మరియు అన్బు-అరివు మాస్ట‌ర్స్ యాక్ష‌న్‌ కొరియోగ్ర‌ఫీ చేస్తుండ‌డం విశేషం. హై ఇంటెన్సిటీ యాక్షన్ ఎలివేటెడ్ లొకేషన్స్ లో పవర్ ఫుల్ యాక్షన్ సీన్స్ ని ట్రెయిన్డ్ హాలీవుడ్ యాక్షన్ కొరియోగ్రాఫర్స్ తో షూటింగ్ చేస్తున్నారు.

'ఖిలాడి' చిత్రానికి రాక్ స్టార్ దేవిశ్రీ ప్ర‌సాద్‌ మ్యూజిక్ సమకూరుస్తుండగా.. శ్రీ‌మ‌ణి సాహిత్యం అందిస్తున్నారు. 'లూసిఫ‌ర్' ఫేమ్ సుజిత్ వాసుదేవ్‌ మరియు 'క్రాక్' ఫేమ్‌ జి.కె. విష్ణు ఈ సినిమాకి సినిమాటోగ్రఫీ అందిస్తున్నారు. అమ‌ర్ రెడ్డి ఎడిట‌ర్‌ గా ప‌నిచేస్తున్నారు. గాంధీ న‌డికుడిక‌ర్‌ ఆర్ట్ డైరెక్టర్ గా వ్యవహరిస్తున్నాడు. శ్రీ‌కాంత్ విస్సా మరియు దేవిశ్రీ ప్ర‌సాద్ సోద‌రుడు సాగ‌ర్‌ కలసి డైలాగ్స్ రాస్తున్నారు. 'ఖిలాడి' మూవీని మే 28న ప్ర‌పంచ‌వ్యాప్తంగా విడుద‌ల చేయ‌డానికి మేకర్స్ స‌న్నాహాలు చేస్తున్నారు.