ఫ్యాషన్ డిజైనర్ దివాళి బాష్ లో లవ్ బర్డ్స్..!

బాలీవుడ్ లవ్ బర్డ్స్ సిద్ధార్థ్ మల్హోత్రా, కియరా అద్వాని మరోసారి మీడియా కంట పడ్డారు. కొన్నాళ్లుగా వీరి మధ్య స్ట్రాంగ్ రిలేషన్ కొనసాగుతుందని తెలిసిందే. అయితే ఇద్దరు ఆ విషయాన్ని మాత్రం బయటకు చెప్పట్లేదు. ఒకరంటే ఒకరికి ఇష్టం ఉన్నా సరే బయట పెట్టేందుకు ఆసక్తి చూపట్లేదు. ఇద్దరు డేటింగ్ లో ఉన్నారని బాలీవుడ్ కోడై కూస్తుంది. ఇక లేటెస్ట్ గా బాలీవుడ్ ఫ్యాషన్ డిజైనర్ మనీష్ మల్హోత్రా ఇచ్చిన దివాళి బాష్ లో ఇద్దరు స్పెషల్ ఎట్రాక్షన్ గా నిలిచారు.

బాలీవుడ్ స్టార్స్ మధ్య డేటింగ్ అనేది చాలా కామన్. కొన్నాళ్లు కలిసి ఉంటారు అన్ని కుదిరితే పెళ్లి చేసుకుంటారు లేకపోతే ఎవరి దారి వారు చూసుకుంటారు. ప్రస్తుతం సిద్ధార్థ్, కియరాల లు కూడా ప్రేమలో మునిగి తేలుతున్నారని తెలిసిందే. మనీష్ ఇచ్చిన దివాళి బాష్ లో కియరా మరోసారి తన గ్లామర్ తో మెప్పించగా ట్రెడిషనల్ వేర్ తో సిద్ధార్థ్ కూల్ గా కనిపించాడు.

ఎన్నాళ్లని ఈ దాగుడు మూతలు ఆ గుట్టేంటో విప్పేయండి అంటూ వీరి జంటపై నెటిజెన్లు కామెంట్స్ చేస్తున్నారు. సిద్ధార్థ్ అంటే ఇష్టం ఉన్నా సరే కెరియర్ మీదే తన ఫస్ట్ ఫోకస్ అంటుంది కియరా అద్వాని. సినిమాలకు ఇబ్బంది కాకుండానే తన లవ్ స్టోరీ కొనసాగించాలని చూస్తుంది అమ్మడు.

మనీష్ మల్హోత్రా ఇచ్చిన దివాళి బాష్ లో బాలీవుడ్ తారా తోరణం కదిలి వచ్చింది. దాదాపు ఈ దివాళి బాష్ లో అందరు స్టార్స్ అటెండ్ అయ్యారు. ఎంతమంది వచ్చినా సిద్ధార్థ్, కియరాల మీదే అందరు దృష్టి ఉంది. సినిమాల విషయానికి వస్తే సిద్ధార్థ్ యోద సినిమా పూర్తి చేయగా అది రిలీజ్ కు రెడీ అవుతుంది. మరోపక్క రష్మికతో మిషన్ మజ్ఞు సినిమా చేస్తున్నాడు సిద్ధార్థ్. కియరా అద్వాని కూడా రాం చరణ్ శంకర్ కాంబో సినిమాలో నటిస్తుంది. వీటితో పాటుగా గోవిందా నామ్ మేరా.. సత్య ప్రేమ్ కి కథ మూవీస్ లో నటిస్తుంది.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.