భరత్ గర్ల్ ఫ్రెండ్ చితగ్గొట్టేసిందిగా..

తెలుగులో తొలి సినిమా చేస్తున్న కథానాయికకు మహేష్ బాబు లాంటి స్టార్ హీరో సరసన నటించే అవకాశం దక్కితే అంతకంటే అదృష్టం మరేముంటుంది?బాలీవుడ్ భామ కియారా అద్వానీకి అలాంటి అవకాశమే దక్కింది. అందులోనూ బాలీవుడ్లో రెండు మూడు సినిమాల అనుభవంతోనే ఆమె ఇక్కడ అవకాశం సంపాదించింది. మహేష్ సరసన ఆమె నటించిన ‘భరత్ అనే నేను’కు సంబంధించిన ప్రోమోల్లో చాలా అందంగా కనిపించి ఆకట్టుకుంది కియారా. ఐతే ఆ ఫొటోల్లో చాలా ట్రెడిషనల్‌గా కనిపించిన కియారా.. ఈ చిత్ర ప్రి రిలీజ్ ఈవెంట్లో మాత్రం హాట్ లుక్ తో అందరి మతులు పోగొట్టేసింది. ఈ ఈవెంట్ నేపథ్యంలో ప్రత్యేక శ్రద్ధ పెట్టి ఆమె డిజైన్ చేయించుకున్న డ్రెస్ భలేగా ఆకట్టుకుంది.

ఆ వైట్ డ్రెస్సులో కియారా యువరాణిలా మెరిసిపోయింది. అందంగా కనిపిస్తూనే గ్లామర్ టచ్ కూడా ఉండేలా ఈ డ్రెస్ డిజైన్ చేశారు. మేకప్ కూడా చాలా బాగా వేసుకోవడంతో ‘భరత్ అనే నేను’ ఈవెంట్లో చాలా ప్రత్యేకంగా కనిపించింది కియారా. వేదిక మీద కూడా ఆమె బాగా హైలైట్ అయింది. కియారా స్పీచ్ కూడా క్యూట్ గా సాగి అభిమానుల్ని ఆకట్టుకుంది. ఆమె గురించి దర్శకుడు కొరటాల శివ చాలా గొప్పగా చెప్పాడు. సినిమాలో ఆమెది కీలక పాత్ర అని.. ‘ధోని’ సినిమా చూసి ఏరి కోరి ఆమెను తీసుకొచ్చానని.. చాలా బాగా నటించి మెప్పించిందని చెప్పాడు. సినిమా మొదలవడానికి కొన్ని రోజుల ముందే తన డైలాగులు తెలుసుకుని ప్రాక్టీస్ చేసి వచ్చిందని తెలిపాడు. మహేష్ బాబు తన ప్రసంగంలో ముందు కియారా గురించి మాట్లాడ్డం మరిచిపోయినా.. ఆ తర్వాత కొరటాల గుర్తు చేయడంతో తిరిగొచ్చి ఆమె గురించి చాలా పాజిటివ్ గా స్పందించాడు. ఆమెతో మళ్లీ కలిసి నటించాలని ఆశిస్తున్నట్లు చెప్పాడు.