నా డెస్టినీ లో అర్జున్ రెడ్డి ఉంది!

తెలుగు సెన్సేషనల్ హిట్ 'అర్జున్ రెడ్డి' సినిమాను 'కబీర్ సింగ్' పేరుతో హిందీలో తెరకెక్కిస్తున్న సంగతి తెలిసిందే. షాహిద్ కపూర్ - కియారా అద్వానిలు ఈ సినిమాలో హీరో హీరోయిన్లు గా నటిస్తుండగా తెలుగు 'అర్జున్ రెడ్డి' డైరెక్టర్ సందీప్ వంగా హిందీ వెర్షన్ కూ దర్శకత్వం వహిస్తున్నాడు.

మొదట్లో ఈ సినిమాలో హీరోయిన్ గా వేరే అమ్మాయిని తీసుకున్నప్పటికీ తర్వాత కియారా అద్వాని తో రీప్లేస్ చేయడం జరిగింది. ఇక 'అర్జున్ రెడ్డి' రీమేక్ లో నటించడం గురించి కియారా మాట్లాడుతూ ప్రీతి పాత్ర చేయాలని తన డెస్టినీలో ఉందని తెలిపింది. ఈ సినిమా తనను వెతుక్కుంటూ వచ్చిందని తెలిపింది. దర్శకుడు సందీప్ 'M.S. ధోని' చూసినప్పుడు తన నటనలో 'ప్రీతి' ని గమనించాడని అందుకే తనకు ఈ సినిమాలో అవకాశం వచ్చిందని చెప్పింది.

'M.S. ధోని' లో ఇన్నోసెంట్ పాత్ర వల్లే కాదు.. దాంతో పాటుగా 'లస్ట్ స్టోరీస్' వెబ్ సీరీస్ లో చెలరేగిపోయి బోల్డ్ సీన్స్ లో నటించింది. అటు ఇన్నోసెన్స్.. ఇటు ఘాటు లిప్పు లాకులు.. ప్రీతి పాత్ర కు కావలసిన డెడ్లీ కాంబినేషన్ అదే కదా? మన సందీప్ వంగా సరిగ్గా అదే గమనించి ఈ బ్యూటీ ని ఫైనలైజ్ చేసి ఉంటాడేమో!

ఇదిలా ఉంటే.. కియారా ప్రస్తుతం తెలుగు లో బోయపాటి - రామ్ చరణ్ సినిమాలో హీరోయిన్ గా నటిస్తోంది. ఇది కాకుండా బాలీవుడ్ లో అక్షయ్ కుమార్ తాజా చిత్రంలో కూడా ఆఫర్ పట్టేసిందట.