ఫోటో స్టోరీ: హాట్ బ్యూటీ నాటీ స్మైల్!

బాలీవుడ్ హీరోయిన్లలో ప్రస్తుతం సూపర్ క్రేజ్ ఉన్న బ్యూటీ ఎవరంటే కియారా అద్వాని పేరే చెప్పాలి. 'కబీర్ సింగ్' లాంటి హిట్లతో జోరు మీద ఉండడమే కాదు.. ఫోటో షూట్లతో దుమ్ము లేపుతూ సోషల్ మీడియాలో తన టాలెంట్ రెగ్యులర్ గా చూపిస్తూనే ఉంది. కియారా స్పెషాలిటి ఏంటంటే ఎలాంటి డ్రెస్ వేసుకున్నా అందంగా కనిపించడం. ట్రెడిషనల్ డ్రెస్ అయితే ట్రెడిషనల్ గా.. చిట్టి పొట్టి షార్ట్ లు వేసుకుంటే మోడరన్ గా.. జిమ్ముకు పోయే సమయంలో స్పోర్ట్స్ వేర్ లో జిల్ జిల్ గా కనిపించి నెటిజన్ల గుండె చప్పుడు లబ్ డబ్ బదులు లబో దిబో అని కొట్టుకునేలా చెయ్యగలదు.

రీసెంట్ గా కియారా ఫోటో ఒకటి సోషల్ మీడియాలో వైరల్ గా మారిపోయింది. ఈ ఫోటోలో కియారా ఎంబ్రాయిడరీ వర్క్ ఉండే క్రీమ్ కలర్ చూడిదార్ లో చిరునవ్వులు రువ్వుతూ నిలుచుంది. అందంగా కనిపించే దుపట్టా మెడలో వేసుకుని.. పెద్ద సైజు కమ్మలు ధరించి సూపర్ పోజిచ్చింది. ఈ ఫోటోను చూస్తే నెటిజన్లు 'నీ ఫోటోను పట్టుకు వదలనన్నవి చూడే నా కళ్ళు' అంటూ ఒక్కొక్కరు ఒక్కో అల్లు అర్జున్ లాగా మారిపోతారు. ఇక అమ్మాయిలైతే అసూయతో రగిలిపోతారని.. కడుపులో అగ్నిగుండం రగులుతుందని చెప్పకతప్పదు!

ఇలాంటి ఫోటోలకు లక్షల్లో లైకులు వేలల్లో వ్యాఖ్యలు సాధారణం.. అతి సాధారణం. ఇక కియారా ఫ్యూచర్ ప్రాజెక్టుల విషయానికి వస్తే నాలుగు సినిమాల్లో నటిస్తోంది. 'భూల్ భులయ్యా 2'.. 'లక్ష్మి బాంబ్'.. 'షేర్ షా'.. 'ఇందూ కీ జవాని' ప్రస్తుతం ఆమె లిస్టులో ఉన్న సినిమాలు. తెలుగులో.. తమిళంలో స్టార్ హీరోల సినిమాల్లో హీరోయిన్ ఆఫర్లు వస్తున్నప్పటికీ బిజీగా ఉన్నకారణం ఆ రిజెక్ట్ చేస్తోందని సమాచారం.