మహేష్‌ హీరోయిన్ల హౌస్ ఫుల్

టాలీవుడ్ లో ఒక్కసారి అడుగుపెడితే చాలు కోలీవుడ్ టూ బాలీవుడ్ ఆఫర్స్ ఈజీగా వచ్చేస్తాయని గత కొన్నేళ్లుగా మోడల్స్ గట్టిగా నమ్ముతున్నారు. అంతే కాకుండా అన్ని బాషలలో ఒక నటిగా మంచి గుర్తింపు తెచ్చుకోవాలని కథ నచ్చితే ఒకే చేస్తున్నారు. ముఖ్యంగా నార్త్ భామలు టాలీవుడ్ సూపర్ స్టార్ మహేష్ తో ఒక్కసారి నటించిన చాలు అనుకుంటున్నారు. అయితే అలా నటించిన స్టార్ హీరోయిన్స్ ఇప్పుడు ఒకే సినిమాలో కలిసి నటించబోతున్నారు.

మహేష్ తో కాదు లెండి. బాలీవుడ్ సక్సెస్ ఫుల్ గా కొనసాగుతోన్న హౌస్ ఫుల్ సిరీస్ లో నటించడానికి రెడీ అయ్యారు. మహేష్ బాబుతో వన్:నేనొక్కడినే సినిమాలో నటించిన కృతి సనాన్ అలాగే ప్రస్తుతం భరత్ అనే నేను సినిమాలో నటిస్తోన్న కైరా అద్వానీ లు హౌస్ ఫుల్ 4 లో అవకాశం అందుకున్నారు. ప్రయోగాల హీరో అక్షయ్ కుమార్ - రితేష్ దేశ్ ముఖ్ - అమితాబ్ బచ్చన్ కథానాయకులుగా కనిపించబోతున్న సంగతి తెలిసిందే.

ఇక వారితో పాటు సన్నీ డియోల్ కూడా ఒక ప్రత్యేక పాత్రలో అలరించనున్నారు. ఇక అక్షయ్ సరసన కృతి ఒకే అయినట్లు తెలుస్తోంది. ప్రస్తుతం అమ్మడి టైమింగ్ చాలా బావుంది. చేసిన సినిమాలు మంచి విజయానికి అందుకోవడంతో ఆఫర్స్ గట్టిగా వస్తున్నాయి. ఆమె సోదరి కూడా ప్రస్తుతం సినిమాల్లోకి రావడానికి సిద్ధమవుతోంది.