వైట్ అండ్ వైట్ లో స‌రోవ‌రం హంస‌లా దిగింది

వైట్ అండ్ వైట్ లుక్ లో కియ‌రా స‌రోవ‌రం నుంచి దిగొచ్చిన‌ హంస‌లా ఎంతో ఆక‌ర్ష‌ణీయంగా క‌నిపిస్తోంది. హాఫ్ షోల్డ‌ర్ లుక్.. ఓపెన్ బ్యాక్ అవ‌తార్... క్రీగంటి చూపుల‌తో కియ‌రా కిల్ చేస్తోంది. ప్ర‌స్తుతం ఈ లేటెస్ట్ ఫోటోషూట్ అంత‌ర్జాలంలో సునామీలా మారింది. కియ‌రా కెరీర్ ఇప్పుడు ఎంతో స్థిరంగా ఒడిదుడుకులు అన్న‌దే లేకుండా కొన‌సాగుతోంది. అందుకే ఈ ఉత్సాహంలో వ‌రుస ఫోటోషూట్ల‌తో విరుచుకుప‌డుతోంది.

ఇంత‌కుముందు రామ్ చ‌ర‌ణ్ స‌ర‌స‌న ఆర్.సి 15కి సంత‌కం చేసిన ఈ బ్యూటీ రెట్టించిన ఉత్సాహంతో క‌నిపిస్తోంది. శంక‌ర్ లాంటి క్రేజీ ద‌ర్శ‌కుడు అవ‌కాశం ఇస్తానంటే కాద‌నేందుకు కియ‌రా సిద్ధంగా లేదు. అందుకోసం ఎన్టీఆర్ - కొర‌టాల క్రేజీ మూవీని సైతం వ‌దులుకుంది. ఇక చెర్రీ స‌ర‌స‌న ఆలియా న‌టిస్తుంద‌ని ప్ర‌చార‌మైనా చివ‌రికి కియ‌రా ఆ ఆఫ‌ర్ ని ఒడిసిప‌ట్టింది. ఇక పాన్ ఇండియా కేట‌గిరీలో బ‌ల్క్ డేట్స్ ఇవ్వాల్సి ఉంటుంది కాబ‌ట్టి... ఈ ప్రాజెక్ట్ కోసం ఈ బ్యూటీకి భారీ పారితోషికం ముట్ట‌జెప్ప‌నున్నార‌ని కూడా గుస‌గుస‌లు వినిపిస్తున్నాయి.

మ‌రోవైపు కియ‌రా బాలీవుడ్ ప్రాజెక్టుల‌తోనూ కెరీర్ ప‌రంగా పూర్తి బిజీగా ఉంది. సిద్ధార్థ్ మ‌ల్హోత్రా స‌ర‌స‌న న‌టించిన‌ షేర్షా విడుదలకు సిద్ధమవుతోంది. ఆ తర్వాత కార్తీక్ ఆర్య‌న్ స‌ర‌స‌న న‌టించిన‌ భూల్ భూల‌యా -2... శశాంక్ ఖైతాన్ తెర‌కెక్కిస్తున్న వేరొక చిత్రంలోనూ న‌టిస్తోంది. జగ్ జగ్ జీయో చిత్రీక‌ర‌ణ పూర్త‌వుతోంది.

సీక్రెట్ ఎఫైర్ పై గ‌ప్ చుప్ గా..!

మ‌రోవైపు కియ‌రా సీక్రెట్ ప్రేమాయ‌ణం పైనా బాలీవుడ్ లో ర‌క‌ర‌కాల గుస‌గుస‌లు వినిపిస్తున్నాయి. ఇంత‌కుముందే 2021 జ‌న‌వ‌రిలో నూత‌న సంవ‌త్స‌ర సెలబ్రేష‌న్స్ కోసం ప్రియుడు సిద్ధార్థ్ మ‌ల్హోత్రాతో క‌లిసి సీక్రెట్ గా మాల్దీవుల‌కు వెళ్ల‌డం వేడెక్కించింది. మాల్దీవుల విహారం నుంచి ర‌క‌ర‌కాల బికినీ ఫోటోల‌ను ఇన్ స్టాలో షేర్ చేస్తూ కియ‌రా అగ్గి రాజేసింది. విమానాశ్ర‌యం నుంచి తిరిగి వ‌స్తూ సిద్ధూ-కియ‌రా జంట కెమెరా కంటికి చిక్క‌డంతో ఇటీవ‌ల బోలెడంత ఠాంఠాం హీటెక్కించింది. కానీ త‌మ మధ్య రిలేష‌న్ షిప్ ని కియ‌రా ఏనాడూ క‌న్ఫామ్ చేసిందే లేదు.