చెర్రీ సోషల్ మీడియా సీక్రెట్ బైటపెట్టిన కియారా

రామ్ చరణ్ కొత్త సినిమా 'వినయ విధేయ రామ' విడుదలకు ఆల్రెడీ కౌంట్ డౌన్ స్టార్ట్ అయింది. 'రంగస్థలం' తో బ్లాక్ బస్టర్ సాధించిన చరణ్ బోయపాటి సినిమాతో మరో విజయం సాధించడం ఖాయమని ఫ్యాన్స్ నమ్మకంగా ఉన్నారు. ఏమాత్రం కవరప్ చేయకుండా ఊరమాస్ మసాలా అని ప్రమోషన్లతో హింట్ ఇచ్చారు కాబట్టి చరణ్ సినిమా నుండి ఏం ఎక్స్ పెక్ట్ చేయాలో ముందే డిసైడ్ అయిపోయింది. ఇక ఈ సినిమా ప్రమోషన్స్ కూడా జోరుగా సాగుతున్నాయి.

'వినయ విధేయ రామ' హీరోయిన్ కియారా అద్వాని రీసెంట్ గా ఒక ఇంటర్వ్యూ లో మాట్లాడుతూ రామ్ చరణ్ కు సంబంధించిన ఒక సోషల్ మీడియా సీక్రెట్ ను బయటపెట్టేసింది. చరణ్ కు ట్విట్టర్ లో.. ఇన్స్టాగ్రామ్ లో ఖాతాలు లేవన్న సంగతి అందరికీ తెలిసిందే. ఫేస్ బుక్ లో మాత్రమే ఖాతా ఉంది. మనకు తెలిసిన విషయం ఇది. కానీ చరణ్ కు ఇన్స్టాగ్రామ్ లో పోస్టులు పెట్టడం ఇష్టమని.. తనకో సీక్రెట్ హ్యాండిల్ ఉందని కియారా వెల్లడించింది. ఈ సీక్రెట్ వెల్లడించిన కియారా ఆ ఖాతా వివరాలు మాత్రం సీక్రెట్ గానే ఉంచింది. ఎప్పుడైతే కియారా ఈ ఇన్స్టాగ్రామ్ రహస్యాన్ని బయటపెట్టిందో మెగా నెటిజనులు ఆ రహస్యఖాతాను శోధించే పనిలో పడ్డారట.

మొదటినుంచి చరణ్ సోషల్ మీడియాలో కాస్త రిజర్వ్డ్ గానే వ్యవహరిస్తున్నాడు. ట్విట్టర్ ఖాతా కొన్ని రోజులు మెయిన్టెయిన్ చేసినా తర్వాత వదిలేశాడు. ఇక ఫేస్ బుక్ లో కూడా ఏదైనా ముఖ్యమైన అప్డేట్ ఉండే ఇస్తాడు తప్పించి ఫ్యాన్స్ తో చాట్ చెయ్యడం లాంటివాటికీ దూరంగా ఉంటాడు. ఇప్పుడేమో సీక్రెట్ ఏజెంట్ 007 లాగా ఇన్స్టాగ్రామ్ ఖాతాను ఎవరికీ తెలియకుండా మెయింటైన్ చేస్తున్నాడు. మరి ఇప్పటికే ఈ సీక్రెట్ హాండిల్ ను అందరకీ పరిచయం చేస్తాడో వేచి చూడాలి.