కియారా 'స్వయంతృప్తి' వెనుక అంత జరిగిందా..?

కియారా అద్వానీ.. తెలుగు ప్రేక్షకులకు పరిచయం అవసరం లేని పేరు. మహేశ్ బాబు నటించిన ‘భరత్ అనే నేను’ సినిమాతో తెలుగు సినీ ఇండస్ట్రీలో అడుగు పెట్టిన ఈ అమ్మడు.. ఆ తర్వాత మెగా పవర్‌ స్టార్ రామ్ చరణ్- బోయపాటి శ్రీను కాంబినేషన్‌ లో వచ్చిన ‘వినయ విధేయ రామ’లోనూ నటించింది. ఈ సినిమాల కంటే ముందే ఆమె భారత క్రికెట్ జట్టు మాజీ కెప్టెన్ మహేంద్ర సింగ్ ధోనీ జీవిత చరిత్ర ఆధారంగా తెరకెక్కిన ‘ధోనీ.. అన్‌ టోల్డ్ స్టోరీ’ ద్వారా టాలీవుడ్‌ కు పరిచయమైంది. తాజాగా విజయ్‌ దేవరకొండ నటించిన సన్సేషనల్ మూవీ ‘అర్జున్‌ రెడ్డి’ హిందీ రీమేక్ ‘కబీర్ సింగ్’లో నటిస్తోంది. ఇందులో షాహీద్ కపూర్ కబీర్ సింగ్‌గా కనిపించబోతుండగా - మాతృకను తెరకెక్కించిన సందీప్ రెడ్డి వంగా రూపొందించారు. ఇటీవల చిత్ర ట్రైలర్ విడుదలైంది.

షూటింగ్ ముగించుకున్న ‘కబీర్ సింగ్’ విడుదలకు సిద్ధమయింది. దీంతో చిత్ర యూనిట్ ప్రమోషన్ కార్యక్రమాలను చేపట్టింది. ఇందులో భాగంగానే కియారా ఓ జాతీయ చానెల్‌తో చిత్ర విశేషాలతో పాటు - తన వ్యక్తిగత జీవితానికి సంబంధించిన పలు అంశాలను పంచుకుంది. ఈ సందర్భంగా తాను నటించిన వెబ్ సిరీస్ ‘లస్ట్ స్టోరీస్’ గురించి కీలక వ్యాఖ్యలు చేసింది. నెట్‌ ఫ్లిక్స్‌ లో ప్రసారం అయిన లస్ట్ స్టోరీస్ అప్పట్లో ఎంత సంచలనం అయిందో అందరికీ తెలిసిందే. ఇది నాలుగు భాగాలుగా వచ్చింది. ఇందులోని ఒక పార్టులో కియారా అద్వానీ నటించింది. ఇందులో ఆమె క్యారెక్టర్ బాగా బోల్డుగా ఉంటుంది. ఎన్నో కళలలో అత్తగారింట్లో అడుగుపెట్టిన ఆమెకు.. భర్త వల్ల వైవాహిక పరమైన ఇబ్బందులు ఎదురవుతాయి. అప్పుడామె ఏం చేసిందనేదే ఈ సిరీస్ కథ.

ఈ సిరీస్‌ లో భాగంగా కియారా స్వయంతృప్తి పొందే సీన్ ఒకటి ఉంటుంది. ఇది అప్పట్లో దేశ వ్యాప్తంగా హాట్ టాపిక్ అయింది. అంతేకాదు, దీనికి సంబంధించిన వీడియో సోషల్ మీడియాలో వైరల్ కూడా అయింది. ఇప్పుడు దీనికి సంబంధించిన ఓ ఆసక్తికర విషయాన్ని కియారా వెల్లడించింది. ‘‘లస్ట్ స్టోరీస్‌ లో ఆర్గాజం (స్వయంతృప్తి) సీన్ గురించి మా కుటుంబ సభ్యులకు ముందే చెప్పాను. అందుకోసం వాళ్లను సన్నద్ధం చేశాను. కానీ, మా అమ్మమ్మకు మాత్రం దీని గురించి తెలియదు. ఆమె ఒకసారి నాతో పాటు ఆ సీన్‌ను చూసింది. అప్పుడు ఆమె ముఖం తిప్పుకోకుండా చూడడం నేను గమనించాను. ఇది చూసిన తర్వాత ఆమె ఇది నటనలో భాగమే కాబట్టి పర్లేదు అంది. ఆమె బ్రిటిషర్ కావడంతో స్పోర్టివ్‌ గా తీసుకుంది’’ అంటూ కియారా చెప్పుకొచ్చింది.