ఎమ‌ర్జింగ్ స్టార్ కియ‌రా బ్యాక్ గ్రౌండ్‌?

ఎం.ఎస్‌.ధోని బ‌యోపిక్, ల‌స్ట్ స్టోరీస్ (వెబ్ సిరీస్) కియరాకు చ‌క్క‌ని గుర్తింపు తెచ్చి పెట్టాయి. ఆ త‌ర్వాత `భ‌ర‌త్‌ అనే నేను` చిత్రం సౌత్‌లో మంచి ఐడెంటిటీనిచ్చింది. బాలీవుడ్ తో పాటు, సౌత్‌లోనూ త‌న జెండా ఎగ‌రేయాల‌ని తెలివిగా అడుగులు వేస్తోందీ ముబై చిన్న‌ది. ప్ర‌స్తుతం తెలుగు బ్లాక్‌ బ‌స్ట‌ర్ `అర్జున్‌ రెడ్డి` రీమేక్ `క‌బీర్‌సింగ్‌`లో న‌టిస్తోంది. ఈ సినిమాతో పాటు ఆమె ఖాతాలో భారీ లిస్టే వుంది. మ‌రోవైపు రెగ్యుల‌ర్ ఫోటో షూట్లు, వీడియో షూట్లు అంటూ సామాజిక మాధ్య‌మాల్లో యువ‌త‌రానికి చ‌క్కిలిగింత‌లు పెడుతూ పాపుల‌ర‌వుతోంది.

అవార్డు వేడుక‌ల్లోనూ కియ‌రా మెరుపుల ప్ర‌త్యేకంగా చ‌ర్చ‌కొచ్చాయి. లేటెస్ట్ గా దుబాయ్‌ లో జ‌రిగిన జీ సినిమా తెలుగు అవార్డ్స్‌ లో కియారా `ఎమ‌ర్జింగ్ స్టార్ ఆఫ్ ద ఇయర్ 2018` అవార్డును సొంతం చేసుకోవ‌డంతో త‌న కాన్ఫిడెన్స్ ను రెట్టింపు చేసింది. ఈ పుర‌స్కారంతో కియ‌రా మ‌రింత ఉప్పొంగిపోతోంది. 2018 అన్ని విధాలా అంటే ఇటు సినిమాల్లోనూ, అటు వెబ్ సిరీస్ `ల‌స్ట్ స్టోరీస్‌`తోనూ త‌న క్రేజు తారా స్థాయికి చేరింది. ఒక్క ల‌స్ట్ స్టోరీస్‌ తోనే కియారా నేమ్ బాలీవుడ్‌ తో పాటు ద‌క్షిణాదిలోనే మార్మోగిపోయింది. 2018లో క్రేజీ తార‌గా పేరు తెచ్చుకున్న కియారాకు `ఎమ‌ర్జింగ్ స్టార్ ఆఫ్ ద ఇయర్` ద‌క్క‌డం స‌ముచిత‌మే అని బాలీవుడ్ అభిమానులు మార్కులు వేస్తున్నారు. అన్న‌ట్టు కియారా న‌టిస్తున్న మ‌రో క్రేజీ ప్రాజెక్ట్ `క‌ళాంక్‌`. ఇందులో కియారా స్పెష‌ల్ అప్పియ‌రెన్స్ ఇస్తోంది. ధ‌ర్మా ప్రొడ‌క్ష‌న్స్ బ్యాన‌ర్‌ పై క‌రణ్‌ జోహార్ ఈ చిత్రాన్ని నిర్మిస్తున్నారు. అక్ష‌య్ కుమార్‌, క‌రీనా క‌పూర్‌, దిల్జీత్ దొసాంజే కీల‌క పాత్ర‌ల్లో న‌టిస్తు `గుడ్ న్యూస్‌`లోనూ కియారా న‌టిస్తోంది.

ఇంత ఇదిగా దూసుకుపోతున్న ఈ అమ్మ‌డు న‌ట‌వార‌సురాలేనా? అస‌లు కియ‌రా బ్యాక్ గ్రౌండ్ ఏంటి? అన్న‌ది తెలిస్తే ఎవ‌రైనా షాక‌వ్వాల్సిందే. కియ‌రాకు సినిమా నేప‌థ్యం ఉంది. బాలీవుడ్ గ్రేట్ యాక్ట‌ర్ అశోక్‌ కుమార్ మ‌న‌వ‌రాలు.. 90ల‌లో పాపుల‌ర్ హీరోయిన్ కి మేన‌కోడ‌లు అయిన కియారా (ఇండో అమెరిక‌న్ న‌టుడు స‌యిద్ జాఫ్రీ బంధువు) అటు ఉత్త‌రాదితో పాటు ఇటు ద‌క్షిణాదినా ఫుల్ బిందాస్ గా కెరీర్ ని ప‌క్కా ప్ర‌ణాళిక‌ను సిద్ధం చేసుకుంటోంది. ఇప్ప‌టి వ‌ర‌కు త‌న కుటుంబ నేప‌థ్యం గురించి వేదిక‌ల‌పై చెప్పుకోని ఈ అమ్మ‌డు.. సొంత ట్యాలెంటుతోనే ఆక‌ట్టుకుంటూ ముందుకు సాగుతోంది.