బాహుబ‌లి స్టార్ స‌ర‌స‌న కియ‌రా జాక్ పాట్?

బాహుబ‌లి - సాహో చిత్రాల‌తో పాన్ ఇండియా స్టార్ గా ప్ర‌భాస్ క్రేజు స్కైని ట‌చ్ చేసిన సంగ‌తి తెలిసిందే. ప్ర‌స్తుతం రాధా కృష్ణ ద‌ర్శ‌క‌త్వంలో రాధేశ్యామ్ (ప్ర‌భాస్ 20 వ‌ర్కింగ్ టైటిల్ ) సినిమాలో న‌టిస్తున్నాడు. ఈ సినిమా 80 శాతం చిత్రీక‌ర‌ణ పూర్త‌యింది. పెండింగ్ షూటింగ్ పూర్తి చేసి నిర్మాణానంత‌ర ప‌నులు పూర్తి చేసేందుకు చిత్ర‌యూనిట్ సంక‌ల్పించిన సంగ‌తి తెలిసిందే. క‌రోనా క‌ల్లోలం నేప‌థ్యంలో షూటింగ్ వాయిదా ప‌డింది. విదేశీ షెడ్యూల్ ని ఆర్.ఎఫ్‌.సికి షిఫ్ట్ చేస్తున్నార‌న్న స‌మాచారం ఉంది. క‌రోనా లాక్ డౌన్ కార‌ణంగా ఇంటికే ప‌రిమిత‌మైన డార్లింగ్ ప్ర‌స్తుతం త‌దుప‌రి సినిమాపై(ప్ర‌భాస్ 21)నా సీరియ‌స్ గానే క‌స‌ర‌త్తు చేస్తున్నార‌ని తెలుస్తోంది.

ఇప్ప‌టికే అశ్వ‌నిద‌త్ అల్లుడు.. మ‌హాన‌టి ఫేం నాగ్ అశ్విన్ కి గ్రీన్ సిగ్న‌ల్ ఇచ్చేశాడు. ఈ మూవీని అధికారికంగా ప్ర‌క‌టించారు. ఈ లాక్ డౌన్ స‌మ‌యంలో స్క్రిప్టు ప‌నుల్ని ఓ కొలిక్కి తెస్తున్నార‌ట నాగ్ అశ్విన్. అలాగే కాస్టింగ్ సెలెక్ష‌న్ పైనా దృష్టి సారించార‌ట‌.. అయితే ప్ర‌భాస్ స‌ర‌స‌న న‌టించే క‌థానాయిక ఎవ‌రు? అన్న‌దానిపై ఇన్నాళ్లు క్లారిటీ లేదు. తాజా స‌మాచారం ప్ర‌కారం కియరా అద్వాణీ జాక్ పాట్ కొట్టేసింద‌ని తెలుస్తోంది.

ప్ర‌భాస్ ఈ చిత్రంలో సూప‌ర్ హీరోగా క‌నిపించ‌నున్నారు. ఇది పూర్తిగా ఫిక్ష‌న్ బ్యాక్ డ్రాప్ సినిమా అన్న ప్ర‌చారం సాగుతోంది. ఆ క్ర‌మంలోనే పాన్ ఇండియా అప్పీల్ ఉన్న నాయిక‌ను ఎంపిక చేయాల‌ని భావించారు. కియ‌రా ఇటు సౌత్ కి సుప‌రిచితం. అటు హిందీ ప‌రిశ్ర‌మ‌లోనూ పాపుల‌ర్ నాయిక‌గా వెలిగిపోతోంది. అందుకే డార్లింగ్ స‌ర‌స‌న ఖాయం చేశార‌ని తెలుస్తోంది. ఇక బాహుబ‌లి స్టార్ స‌ర‌స‌న ఆఫ‌ర్ అన‌గానే కియ‌రా వ‌దులుకోలేక‌పోయిందిట‌. ఇప్ప‌టికే మ‌హేష్ .. చ‌ర‌ణ్ లాంటి టాప్ స్టార్ల స‌ర‌స‌న న‌టించిన కియ‌రా ఇప్పుడు ప్ర‌భాస్ స‌ర‌స‌న న‌టించేందుకు ఉవ్విళ్లూరుతోంది. పైగా సాహో త‌ర్వాత మ‌ళ్లీ అంత భారీ స్పాన్ తో తెర‌కెక్క‌నున్న పాన్ ఇండియా సినిమాలో ఆఫ‌ర్ అన‌గానే కియ‌రా ఎగ్జ‌యిట్ అవుతోంద‌ట‌. అయితే కియరా ఎంపిక‌కు సంబంధించి అధికారిక ప్ర‌క‌ట‌న వెలువ‌డాల్సి ఉంది. ఈ చిత్రాన్ని వైజ‌యంతి మూవీస్ అధినేత అశ్వ‌నిద‌త్ అత్యంత భారీ బ‌డ్జెట్ తో నిర్మించ‌నున్నారు.