కియ‌రా వ‌ర్సెస్ ఆలియా.. ట్రెండ్ సెట్ చేస్తున్నారంతే!

ఫ్యాష‌న్ ఐకానిక్స్ గా త‌మ‌దైన పంథాను చూపిస్తున్నారు బాలీవుడ్ అగ్ర నాయిక‌లు కియ‌రా.. ఆలియా. ఎప్ప‌టిక‌ప్పుడు లేటెస్ట్ ట్రెండ్స్ ని అనురిస్తూ స‌రికొత్త డిజైన‌ర్ లుక్స్ లో భామామ‌ణులు ప‌బ్లిక్ లో త‌ళుక్కున మెరుస్తుంటారు. అల్ట్రామోడ్ర‌న్ లుక్స్ లో జ‌నాల అటెన్ష‌న్ ని త‌మ‌వైపు తిప్పేసుకోవ‌డం ఎలానో ఈ భామ‌ల‌కు తెలిసినంత‌గా వేరే ఎవ‌రికీ తెలీదేమో! తాజాగా అలియాభ‌ట్.. కియారా అద్వాణి మ‌రోసారి స్టైలిష్ గాళ్స్ గా ఫోక‌స్ అయ్యారు. కియారా క్యాజువ‌ల్ లుక్స్ లో రెస్టారెంట్ కి వెళుతూ కెమారా కంటికి చిక్కింది. చినుగుల డెనిమ్ జీన్ షార్ట్... స్కిన్ టైట్ బ‌నియ‌న్ లో ఆకట్టుకుంది. ప్యాన్సీ బ్యాగ్ .. చేతికి .బ్రాస్ లెట్..కాళ్ల‌కు వైట్ స్నీక‌ర్స్ తో ఆక‌ర్ష‌ణీయంగా క‌నిపిస్తుంది.

ఇక అలియా భ‌ట్ లేత‌ నీలం రంగు డెనిమ్ షార్ట్..న్యూడ్ షేడ్ స్లీవ్ లెస్ టాప్ ని ధ‌రించింది. మ్యాచింగ్ బ్లాక్ మాస్క్.. సేమ్ బ్లాక్ క‌ళ్ల‌ద్దాలు ధ‌రించి చూప‌రుల‌ను ఆక‌ట్టుకుంది. స‌రిగ్గా ఎయిర్ పోర్ట్ బ‌య‌ట ఇలా కెమెరాకి ఫోజులిచ్చింది. ప్రస్తుతం ఈ ఫోటో ఇన్ స్టాలో వైర‌ల్ గా మారింది. ఇద్ద‌రి భామ‌ల ఇన్ స్టా పాలోవ‌ర్స్ కామెంట్ల‌తో వేడెక్కిస్తున్నారు. కియ‌రా .. ఆలియా.. ట్రెండ్ సెట్ చేస్తున్నారు.. అంటూ ప్ర‌శంస‌లు కురిపిస్తున్నారు. కియారా సినిమాల విష‌యానికి వ‌స్తే . ప్ర‌స్తుతం తెలుగులో మెగా ప‌వ‌ర్ స్టార్ రామ్ చ‌ర‌ణ్ స‌ర‌స‌న శంక‌ర్ దర్శ‌క‌త్వంలో తెర‌కెక్కుతోన్న చిత్రంలో న‌టిస్తోంది. అలాగే కొన్ని బాలీవుడ్ ప్రాజెక్ట్ ల‌తో బిజీగా ఉంది.

మ‌రోవైపు ఆలియాభ‌ట్ పాన్ ఇండియా చిత్రం `ఆర్.ఆర్.ఆర్` లో న‌టిస్తోంది. ఇందులో రామ్ చ‌ర‌ణ్ కి జోడీగా న‌టిస్తోంది. ఇప్ప‌టికే త‌న‌ పాత్ర‌కు సంబంధించిన లుక్ ఆద్యంతం ఆక‌ట్టుకుంటుంది. ఈ సినిమా త‌ర్వాత ఆలియా టాలీవుడ్ లో బిజీ హీరోయిన్ గా మారుతుంద‌ని అంచ‌నాలున్నాయి. ల‌వ్ లైఫ్ లోనూ అలియా బిజీగా ఉంది. ర‌ణ‌బీర్ తో క‌లిసి త్వ‌ర‌లో ఆలియా పెళ్లి పీట‌లు ఎక్క‌బోతోంద‌ని ప్రచారం సాగుతోంది.